گوگل نیوز پر ہمیں فالو کریںپاکستان سمیت دنیا بھر میں دہشت گردی سے متاثرہ افراد سے اظہارِ یکجہتی کا عالمی دن آج منایا جارہا ہے، اقوامِ متحدہ نے عالمی برادری سے نفرت پر مبنی جرائم میں کمی لانے اور بین المذاہب ہم آہنگی میں اضافے کیلئے عملی اقدامات اٹھانے کا مطالبہ کیا ہے۔
تفصیلات کے مطابق اقوامِ متحدہ کی جنرل اسمبلی نے 2 برس قبل مذہب یا عقیدے کی بنیاد پر تشدد اور دہشت گردی کا شکار بننے والوں کی یاد میں اور متاثرہ افراد کو خراجِ تحسین پیش کرنے کیلئے عالمی دن منانے کی منظوری مئی کے دوران دی۔
جنرل اسمبلی میں بل کا مسودہ پولینڈ کے وزیرِ خارجہ نے کینیڈا، برازیل، عراق، مصر، نائیجیریا، اردن، امریکا اور پاکستان کے ایماء پر اقوامِ متحدہ میں پیش کیا جس کی منظوری دے دی گئی۔ اس واقعے سے کچھ عرصہ قبل نیوزی لینڈ میں دہشت گردی ہوئی تھی۔
نیوزی لینڈ کی ایک مسجد میں مسلمانوں کو تشدد کا نشانہ بنایا گیا اور ان پر گولیاں چلائی گئیں۔ سری لنکا میں ایسٹر کے تہوار پر مسیحیوں پر حملے ہوئے اور کینیڈا سمیت دیگر ممالک میں رواں برس مذہب کی بنیاد پر دہشت گردی کے واقعات پیش آچکے ہیں۔
غیر جانبدار ماہرینِ عالمی امور کے مابق عالمی برادری کو انسانی حقوق، مذہب اور عقیدے کی آزادی کے تحفظ کو یقینی بنانے کیلئے عملی اقدامات اٹھانا ہوں گے۔ مذہبی ہم آہنگی اور ثقافتی تنوع کو فروغ دینے سے دہشت گردی کا خاتمہ ممکن بنایا جاسکتا ہے۔
اقوامِ متحدہ کے جنرل سیکریٹری انتونیو گوتریس کا کہنا ہے کہ ہم دنیا کو دہشت گردی سے پاک کرنے کیلئے پر عزم ہیں۔ہمیں دہشت گردی کا شکار افراد سے یکجہتی کا اظہار کرنا ہوگا تاکہ انہیں خوف و دہشت کے اثرات سے نکال کر امید کی کرن دکھائی جاسکے۔
یہ بھی پڑھیں: طالبان کا40طیاروں سمیت امریکی ہتھیاروں کی بھاری تعداد پر قبضہ
