کشمیر میں کرفیو انسانی حقوق کی خلاف ورزی ہے۔اماراتی سفیر کی اسد قیصر سے گفتگو

اسلام آباد: مقبوضہ کشمیر میں تاریخَِ انسانی کا بد ترین کرفیو آج بھی جاری ہے جس کے خلاف اماراتی سفیر حماد عبید ابراہیم نے اسپیکر قومی اسمبلی اسد قیصر سے ملاقات کے دوران کہا کہ یہ انسانی حقوق کی سنگین خلاف ورزی ہے۔

اماراتی سفیر حماد عبید ابراہیم نے اسپیکر قومی اسمبلی اسد قیصر سے وفاقی دارالحکومت اسلام آباد میں ملاقات کی جس کے دوران پاک عرب امارات تعلقات اور مسئلۂ کشمیر پر گفتگو ہوئی۔

اس موقعے پر گفتگو کرتے ہوئے اماراتی سفیر نے کہا کہ مقبوضہ کشمیر میں کرفیو کو 170 روز سے زائد گزر چکے ہیں جو انسانی حقوق کے سراسر خلاف ہے۔

اسپیکر قومی اسمبلی اسد قیصر سے ملاقات کے دوران اماراتی سفیر نے کہا کہ متحدہ عرب امارات میں بھارتی فوج کی طرف سے انسانی حقوق کی سنگین خلاف ورزیوں پر ہمیں شدید تشویش ہے۔ 

https://twitter.com/MoIB_Official/status/1222752334511575040

یاد رہے کہ  مقبوضہ جموں و کشمیر میں تاریخِ انسانی کے بدترین کرفیو کا آج 179واں روز ہے جبکہ طویل ترین کرفیو کے دوران بھارتی فوج کے مظالم اور ظلم و تشدد آج بھی جاری ہے۔

بھارتی فوج نے مقبوضہ جموں وکشمیر میں پکڑ دھکڑ، نام نہاد سرچ آپریشن، ظلم و تشدد اور قتل و غارت کا سلسلہ جاری رکھا ہوا ہے جس کے دوران آئے دن مظلوم کشمیری اپنی جانوں کی قربانی پیش کر رہے ہیں۔

مظلوم کشمیریوں نے غاصب بھارت کے خلاف سول نافرمانی کی تحریک شروع کر رکھی ہے جبکہ بھارت کی عائد کردہ پابندیوں کے باعث وادی کی سڑکیں، کاروبار، دکانیں اور تعلیمی مراکز سنسان ہوچکے ہیں۔

مزید پڑھیں: کشمیر میں کرفیو 179ویں روز میں داخل