عالمی منڈی میں خام تیل کی قیمتوں میں بڑی کمی

عالمی منڈی میں خام تیل کی قیمتوں میں 4 ڈالر سے زائد کی کمی واقع ہوئی ہے۔

غیر ملکی میڈیا کے مطابق پیر کو برطانوی خام تیل برینٹ کی قیمت میں 3.77 ڈالر یعنی 3.6 فیصد کمی ہوئی جس کے بعد فی بیرل قیمت 100.20 ڈالر ہوگئی۔

یہ بھی پڑھیں:

ایف بی آر نے مالی سال کے پہلے ماہ میں 15 ارب روپے سے زائد ٹیکس اکٹھا کرلیا

علاوہ ازیں امریکی خام تیل ویسٹ ٹیکساس انٹرمیڈیٹ (ڈبلیو ٹی آئی) کی قیمت میں بھی 4.59 ڈالر یعنی 4.7 فیصد کمی دیکھنے میں آئی جس کے بعد امریکی خام تیل 94.03 ڈالر فی بیرل پر فروخت ہوا۔

 دوسری جانب عالمی مالیاتی فنڈ (آئی ایم ایف) نے پیشگوئی کی ہے کہ رواں مالی سال 2022 کے دوران بین الاقوامی معیشت کی شرحِ نمو 3.2 فیصد تک گر جائے گی جبکہ اگلے مالی سال کے دوران شرحِ نمو میں مزید کمی کا خدشہ ہے۔

آئی ایم ایف کا کہنا ہے کہ عالمی جی ڈی پی کی پیشگوئی رواں برس 3.2 جبکہ آئندہ برس 2.9 فیصد تک کم ہوجائے گی۔ کورونا بحران کے باعث دنیا بھر کے معاشی مسائل میں اضافہ ہوا۔