گوگل نیوز پر ہمیں فالو کریںاسلام آباد: قومی اسمبلی کا اجلاس وزیراعظم کے خلاف تحریک عدم اعتماد پر کسی بھی قسم کی کارروائی کے بغیر پیر 28 مارچ تک ملتوی کردیا گیا ہے۔
تفصیلات کے مطابق قومی اسمبلی کا اجلاس اسپیکر اسد قیصر کی زیر صدارت ہوا جس کے ایجنڈے میں وزیراعظم کے خلاف تحریک عدم اعتماد بھی شامل تھی۔
خیال رہے کہ ایجنڈے میں کہا گیا ہے کہ ایوان کے 152 ارکان کی رائے ہے کہ وزیر اعظم عمران خان ایوان کا اعتماد کھو چکے ہیں لہٰذا انہیں عہدے سے ہٹا دیا جائے۔
اجلاس میں تلاوت اور مرحومین کیلئے فاتحہ خوانی کے بعد اسپیکر قومی اسمبلی نے روایات کے مطابق اجلاس کو تعزیتی ریفرنس میں تبدیل کرکے پیر کی شام 4 بجے تک ملتوی کردیا۔
اسد قیصر کا کہنا تھا کہ قومی اسمبلی کی روایات کا حصہ ہے کہ اگر کسی رکن پارلیمنٹ کا انتقال ہوا ہو تو اس روز کا اجلاس ایک روز کے لیے ملتوی کر دیا جاتا ہے اور میں بھی اس روایات کو برقرار رکھتے ہوئے ایک روز کے لیے اجلاس ملتوی کرنے کا اعلان کرتا ہوں۔
یہ بھی پڑھیں:قومی اسمبلی کا اجلاس آج شروع ہوگا، تحریک عدم اعتماد ایجنڈے میں شامل
