گوگل نیوز پر ہمیں فالو کریںگوجرانوالہ:پاکستان مسلم لیگ (ن) کی نائب صدر مریم نواز نے کہا ہے کہ 2018 میں سب سے بڑے چوہے آپ تھے، عدم اعتماد میں تاخیر کر کے آپ آئین کو کتر رہے ہیں، یہ وہی چوہا ہے جو لوگوں کا سکون کھا گیا ہے، گھی کا ڈبہ عوام قسطوں پر لینے پر مجبورہیں، مجھے اسلام آباد سے کال آرہی ہے مذہب کا نام استعمال کیا جا رہا ہے، یہ کیا طریقہ جلسے کا نام امر بالمروف دے دیا گیا ہے، عوام سے بجلی، آٹا، چینی چھین لینا امربالمروف ہے؟
گوجرانوالہ میں حمزہ شہباز کے ہمراہ میڈیا سے گفتگو کرتے ہوئے مریم نواز نے کہا کہ کیوں اقتدار سے چپکے ہوئے ہو کونسا ٹرمپ کارڈ ہے، آپ کے پاس ایک ہی کارڈ استعفیٰ دو اور گھر جاؤ، آپ کا مستقبل پاکستان کی سیاست میں نہیں ہے، بھاشن دیتے ہیں طاقت ور اور کمزور کے لیے الگ، الگ قانون ہے، فارن فنڈنگ کیس میں جھوٹ بولا گیا۔
مریم نواز کا کہنا تھا کہ مری میں سیاح برف میں دب گئے لوگ آوازیں دیتے رہ گئے، شہبازشریف آپ سے ہزار گنا اچھے تھے، شہباز شریف سیلاب کے دوران پانی میں اترتا تھا اس کو خدمت کہتے ہیں شو بازی نہیں، کوئٹہ کے اندر ہزارہ برادری ان کو پکار رہی تھی، عمران خان کوئٹہ نہیں گئے تھے، اب دو، دو سیٹوں والوں کے پاس ماتھا ٹیک رہے ہیں۔
ن لیگ کی نائب صدر نے کہا کہ آج جنہیں غدار کہہ رہے ہو یہ وہی لوٹے ہیں جن سے 3 سال وضو کرتے رہے، 2018 میں سب سے بڑے چوہے آپ تھے، سب سے بڑے چوہے آپ خود ہیں، قوم کا آٹا، چینی، گھی اور سکون بھی کھاگئے، بلاول کو اردو نہ سیکھنے کے طعنے دیتے ہو، خود 75 برس میں تمیز بھی نہیں سیکھ سکے، نہ صرف پارلیمنٹ بلکہ 16 ضمنی الیکشن بھی ہارے۔
مریم نواز نے کہا کہ جو الزام تم نے نوازشریف، شہبازشریف پر لگائے وہ آج تم پر لگ رہے ہیں، کل بڑی چالاک لومڑی بن کر کہہ رہے تھے نوازشریف آئے گا تو یہ کر دے گا، نوازشریف، شہبازشریف کا سب کچھ اسی ملک میں ہے، نواز شریف پاکستان کا بیٹا اور ادارے اس کے اپنے ہیں، تم اداروں کو ڈرا رہے ہو۔
انہوں نے کہا کہ کاوے موسوی نے بھی نوازشریف سے معافی مانگی، نیشنل کرائم ایجنسی نے بھی کہا منی لانڈرنگ ثابت نہیں ہوئی، جج ارشد ملک نے معافی مانگی، وہ وقت دور نہیں جب عمران خان، نوازشریف، شہبازشریف سے معافی مانگے گا۔
مجھے ڈی سی نے خود بتایا 200 بسیں لانے کا ٹاسک دیا گیا، اگر یہی پیسہ عوام کی صحت، تعلیم پر لگتا توعوام کو ریلیف ملتا، آج امربالمعروف کا جلسہ ہو رہا ہے، جلسے میں قومی وسائل کا استعمال کیا گیا، رات دوبجے بھی گوجرانوالہ کی سڑکوں پر لوگ موجود تھے، چھ بجے جلسے کے لیے نکلیں گے، شاہدرہ پہنچتے 8 سے 9 گھنٹے لگے، میڈیا کی شکر گزار ہوں۔
آپ مولانا کو بار، بار ڈیزل کہہ کر پکارتے ہیں، اگر کسی شخص کا نام ڈیزل ہونا چاہیے توعمران خان کا ہونا چاہیے، آپ 75 سالوں میں تہذیب نہیں سیکھ سکے، آپ لوگوں کو چوہا کہتے ہیں، سرکاری وسائل استعمال کرنے کا حق کس نے دیا ہے، یہ آپ کے خاندان نہیں عوام کے خون پسینے کی کمائی ہے۔
مزید پڑھیں: معاونِ خصوصی شاہ زین بگٹی نے حکومت سے علیحدگی کا اعلان کردیا
