کراچی میں پولیس مقابلہ، ڈاکو گرفتار، ساتھی فرار، چھینا گیا سامان برآمد

کراچی میں پولیس مقابلہ ہوا جس کے دوران 1 ڈاکو گرفتار کر لیا گیا، چھینا گیا سامان برآمد کر لیا گیا ہے تاہم ملزم کا ایک ساتھی فرار ہونے میں کامیاب ہوگیا۔

تفصیلات کے مطابق یہ پولیس مقابلہ کراچی میں فیروز آباد تھانے کی حدود میں ہوا جہاں مقامی پولیس نے ایک ڈکیت کو زخمی حالت میں گرفتار کر لیا۔

مقامی پولیس کے مطابق ملزمان  ایک نجی کورئیر کمپنی کے آفس میں ڈکیتی کی نیت سے داخل ہوئے جنہیں لوٹ مار کے بعد فرار ہوتے وقت گرفتار کیا گیا۔

پولیس کا کہنا ہے کہ گرفتار ملزم کے قبضے سے مسروقہ سامان برآمد کر لیا گیا ہے جبکہ ملزم سے ڈکیتی پر تفتیش جاری ہے۔ مقدمہ جلد درج کیا جائے گا۔ 

یہ بھی پڑھیں: منشیات فروشوں کے خلاف کارروائی، ڈیفنس سے 4 ملزمان گرفتار