راولپنڈی میں چوروں اور ڈاکوؤں کا راج، شہری موٹرسائیکلوں،رکشے، فونزاور نقدی سے محروم

راولپنڈی : شہر میں نقب زنی، چوری، ڈکیتی اور راہ زنی کی مختلف وارداتوں میں شہریوں کو موٹرسائیکلوں،رکشے، قیمتی موبائل اور نقدی سے محروم کردیا گیا۔

راولپنڈی کے تھانہ ریس کورس کے علاقہ برف خانہ چوک سے چور خادم حسین کی کار، تھانہ نیو ٹاؤن کے علاقہ ہولی فیملی ہسپتال سے عمر اقبال کی موٹرسائیکل، تھانہ ریس کورس کے ایریا پیپلزکالونی سے عمیر کا کیری ڈبہ، ڈھوک چودھریاں سے رجب کی موٹرسائیکل، مصریال روڈ سے شاکر کا رکشہ چوری کرلیا گیا۔

مزید پڑھیں:راولپنڈی پولیس نے مافیا کا روپ دھارلیا،جعلی مقابلے میں دو سگے بھائی قتل

شہری آفتاب نے گنج منڈی پولیس کو بتایا کہ چونگی نمبر4کے قریب سے نامعلوم موٹرسائیکل سواروں نے اس کا موبائل فون گن پوائنٹ پر چھین لیا ہے، جہانگیر خان نے پیرودھائی پولیس کوبتایا کہ موٹرسائیکل سوار 2ڈاکوؤں نے اس سے موبائل فون چھین لیا ہے اور فرار ہوگئے ہیں۔

حسیب بٹ نے تھانہ پیرودھائی کو اطلاع دی کہ2موٹرسائیکل سواروں نے اس سے موبائل فون چھین لیا ہے۔ وارث خان پولیس کو شہزاد نے اطلاع دی کہ پانی کا پمپ ندیم اور علی نامی چوروں نے چوری کرلیاہے۔

محمد رضوان نے نیو ٹاؤن پولیس کو بتایا کہ ای بلاک میں نامعلوم موٹرسائیکل سواروں نے مجھ سے اسلحہ کی نوک پر قیمتی موبائل چھین لیا، تھانہ صادق آباد کی حدود میں چور حسیب کے گھر کا دروازہ کاٹ کر چور جہیز کا سامان لے اڑے، تھانہ کہوٹہ کو قمر نے اطلاع دی کہ چور گھر سے 12ہزار روپے اور کچن سے راشن لے اڑے ہیں۔