گوگل نیوز پر ہمیں فالو کریںاسلام آباد: وفاقی وزیر برائے منصوبہ بندی و ترقی اسد عمر نے کہا ہے کہ کورونا وائرس ٹیسٹنگ میں تاریخی اضافہ تعلیمی ادارے کھُل جانے کے باعث ہوا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ منصوبہ بندی اسد عمر نے کہا کہ گزشتہ روز پاکستان بھر میں کورونا وائرس کے 42 ہزار 299 ٹیسٹ کیے گئے جو اب تک ٹیسٹنگ کی سب سے زیادہ تعداد ہے۔پاکستان میں کورونا شروع ہونے سے اب تک کسی بھی روز اتنی ٹیسٹنگ نہیں کی گئی۔
پیغام میں وزیرِ منصوبہ بندی اسد عمر نے کہا کہ ٹیسٹنگ کی تعداد میں یہ تاریخی اضافہ تعلیمی ادارے کھُلنے کے بعد ہوا ہے جس کی وجہ اداروں میں کی جانے والی ٹیسٹنگ ہے۔ اچھی بات یہ ہے کہ ٹیسٹنگ بڑھ جانے کے باوجود مثبت نتیجے کی شرح 2 فیصد سے بھی کم ہے جو ایک حوصلہ افزاء بات ہے۔
Significant build up in covid testing done to carry out sentinel testing at educational institutions in order to identify early trends, if any. 42,299 tests carried out yesterday which is by far the highest ever. Positivity ratio continues to be stable below 2%
— Asad Umar (@Asad_Umar) September 24, 2020
یاد رہے کہ اِس سے قبل پاکستان بھر میں کورونا سے 3 لاکھ 8 ہزار سے زائد افراد متاثر ہوئے جبکہ 6 ہزار 437 افراد جاں بحق ہوگئے۔
گزشتہ 24 گھنٹوں میں کورونا وائرس میں مبتلا ہوکر 5 پاکستانی شہری زندگی کی بازی ہار گئے جبکہ 799 مزید افراد کے اجسام میں کورونا وائرس کی تصدیق ہوئی۔
مزید پڑھیں: پاکستان میں کورونا کے باعث 6 ہزار 437 افراد جاں بحق
