شاہ محمود قریشی کے بیٹے سمیت 4 سیاستدانوں کا کورونا ٹیسٹ مثبت آگیا

اسلام آباد: وزیرِ خارجہ شاہ محمود قریشی کے بیٹے شاہ زین قریشی، وزیر اعلیٰ گلگت بلتستان، صوبائی وزیرِ خیبر پختونخوا اور ن لیگی رہنما سمیت 4 سیاستدانوں کے کورونا ٹیسٹ کا نتیجہ مثبت آگیا ہے۔ ملک بھر میں تشویش کی لہر دوڑ گئی۔

تفصیلات کے مطابق کورونا کے حملوں نے ایوانِ اقتدار میں بیٹھنے والوں کو بھی نہ بخشا۔ خیبر پختونخوا کے وزیرِ پارلیمانی امور شوکت یوسف زئی کے کورونا ٹیسٹ کا نتیجہ مثبت آیا ہے۔

یہ بھی پڑھیں:

اسلام آباد میں کورونا کا خوف، مزید 9تعلیمی ادارے سیل کرنے کا فیصلہ

پاکستان میں کورونا کے 5ہزار 472نئے کیسز رپورٹ، 8مزید شہری جاں بحق

پاکستان مسلم لیگ (ن) کے رہنما ملک احمد خان بھی کورونا کا شکار ہو گئے۔ وزیرِ اعلیٰ گلگت بلتستان خالد خورشید اور وزیر خارجہ کے بیٹے کے کورونا ٹیسٹ کا نتیجہ بھی مثبت آگیا۔

خیال رہے کہ اس سے قبل اسلام آباد میں بڑھتے ہوئے کورونا کیسز کے باعث مزید 9 تعلیمی ادارے سیل کرنے کا فیصلہ کیا گیا جس کا مقصد وائرس کی روک تھام تھا۔

شہرِ اقتدار کی انتظامیہ نے کورونا کی روک تھام کیلئے تعلیمی ادارے بند کرنے کا فیصلہ کیا۔ ڈی ایچ او اسلام آباد نے تعلیمی ادارے بند کرنے کا مراسلہ جاری کردیا۔

قبل ازیں ملک بھر میں کورونا کے 5 ہزار 472 نئے کیسز رپورٹ ہوئے جبکہ گزشتہ 24 گھنٹوں کے دوران وائرس کے باعث مزید 8شہری انتقال کر گئے۔