گوگل نیوز پر ہمیں فالو کریںجنیوا: دُنیا بھر میں کورونا سے متاثرہ افراد کی تعداد 21 کروڑ جبکہ وائرس کا شکار ہونے والوں کی ہلاکتیں 44 لاکھ سے تجاوز کر گئی ہیں۔
تفصیلات کے مطابق دُنیا کے 200سے زائد ممالک اور خطوں میں مجموعی طور پر کورونا سے 21 کروڑ 1 لاکھ 35 ہزار 43 افراد متاثر جبکہ وائرس میں مبتلا 44 لاکھ 5 ہزار 953 افراد انتقال کر گئے۔
یہ بھی پڑھیں: جعلی ویکسین سرٹیفکیٹ جاری کرنے پر شناختی کارڈ بلاک کرنے کا فیصلہ
وائرس سے متاثرہ 1 لاکھ 7 ہزار 960 افراد کی حالت تشویشناک ہے جبکہ دنیا بھر میں کورونا کے فعال کیسز کی تعداد 1 کروڑ 74لاکھ 81 ہزار965 ہو گئی۔وائرس کے1 کروڑ 73 لاکھ 74 ہزار مریضوں کو معمولی تکالیف کا سامنا ہے۔
دُنیا بھر میں 18 کروڑ 82لاکھ 47 ہزار افراد کورونا سے صحتیاب ہوچکے ہیں۔سب سے زیادہ 3 کروڑ 80لاکھ 72 ہزار656 افراد امریکا میں جبکہ 3 کروڑ 23لاکھ 20 ہزار 898 افراد بھارت میں وائرس کا شکار ہوئے۔
امریکا میں کورونا کے باعث 6لاکھ 41 ہزار346 افراد جان کی بازی ہار گئے جبکہ بھارت میں وائرس کا شکار4 لاکھ 33 ہزار 63افراد جاں بحق ہوئے۔ برازیل میں 2 کروڑ 4لاکھ 58 ہزار221 افراد متاثر جبکہ 5 لاکھ 71ہزار703 انتقال کر گئے۔
قبل ازیں دنیا بھر میں کورونا سے 1 لاکھ ہلاکتیں 79 دنوں میں جبکہ 10 لاکھ ہلاکتیں 235 روز میں ہوئیں۔اموات کی تعداد 10 سے 20 لاکھ تک پہنچنے میں 118 مزید دن لگے۔اگلی 10لاکھ ہلاکتیں 91 جبکہ 40 لاکھ ہلاکتیں 523 دن میں ہوئیں۔
خیال رہے کہ اِس سے قبل پاکستان میں کورونا سے 11 لاکھ 13 ہزار 647 افراد متاثر ہوئے جبکہ وائرس میں مبتلا 24 ہزار 713 شہری جان کی بازی ہار گئے۔ملک بھر میں کورونا ٹیسٹ کا نتیجہ 1روز میں مثبت آنے کی شرح 7 اعشاریہ 86فیصد رہی۔
نیشنل کمانڈ اینڈ آپریشن سینٹر (این سی او سی) کے جاری کردہ اعدادوشمار کے مطابق ملک بھر میں گزشتہ 24 گھنٹوں کے دوران کورونا کے 4 ہزار 373 نئے کیسز رپورٹ ہوئے جبکہ وائرس کا شکار 74 مزید افراد انتقال کر گئے۔
مزید پڑھیں: کورونا سے 11لاکھ 13ہزار افراد متاثر، 24ہزار713 جاں بحق
