گوگل نیوز پر ہمیں فالو کریںاسلام آباد: پاکستان میں کورونا کے 3 ہزار 876نئے کیسز رپورٹ ہوئے ہیں جبکہ گزشتہ 24 گھنٹوں کے دوران 42مزید شہری جاں بحق ہو گئے۔
سرکاری اعدادوشمار کے مطابق ملک بھر میں مجموعی طور پر 6 لاکھ 23 ہزار 135افراد کورونا وائرس سے متاثر جبکہ 13 ہزار 799جاں بحق ہوئے۔ 2 ہزار 122افراد کی حالت تشویشناک ہے۔
کورونا وائرس کی تشخیص کیلئے گزشتہ 24 گھنٹوں کے دوران 40ہزار 946ٹیسٹ کیے گئے جس سے اب تک کیے جانے والے مجموعی ٹیسٹس کی تعداد 97لاکھ 32ہزار 33ہو گئی۔
گزشتہ 24 گھنٹوں کے دوران ملک بھر میں کورونا کو 1 ہزار 1446افراد نے شکست دی جس کے بعد وائرس سے صحتیاب افراد کی مجموعی تعداد 5 لاکھ 79ہزار 760ہو گئی۔ملک بھر میں فعال کیسز کی تعداد 29 ہزار576 ہو گئی۔
صوبہ سندھ میں کورونا سے سب سے زیادہ 2 لاکھ 62ہزار796افراد متاثر ہوئے، پنجاب میں 1 لاکھ 95ہزار87 جبکہ خیبر پختونخوا میں 78ہزار 653افراد وائرس میں مبتلا ہوئے۔
بلوچستان میں 19 ہزار306، گلگت بلتستان میں 4 ہزار 967،اسلام آباد میں 50ہزار 843 جبکہ آزاد کشمیر میں 11ہزار 483افراد کورونا کا شکار ہوئے۔ سب سے زیادہ ہلاکتیں پنجاب میں ہوئیں۔
پنجاب میں 5 ہزار 944افراد کورونا کے باعث انتقال کر گئے، سندھ میں 4 ہزار 478، خیبر پختونخوا میں 2 ہزار 202، بلوچستان میں 203، اسلام آباد میں 539، آزاد کشمیر میں 330جبکہ گلگت بلتستان میں 103افراد انتقال کر گئے۔
یہ بھی پڑھیں: سست افراد میں کورونا سے موت کا خطرہ 4 گنا زیادہ ہوتاہے،تحقیق
