پاکستان میں کورونا کے 1 ہزار 873 نئے کیسز رپورٹ، 58 مزید شہری جاں بحق

 اسلام آباد: پاکستان میں کورونا کے 1 ہزار 873 نئے کیسز رپورٹ ہوئے جبکہ گزشتہ 24 گھنٹوں کے دوران 58 مزید وائرس میں مبتلا شہری انتقال کر گئے ہیں۔ 

سرکاری اعدادوشمار کے مطابق کورونا سے اب تک 5 لاکھ 35 ہزار 914 افراد متاثر جبکہ 11 ہزار 376 انتقال کر گئے۔ملک بھر میں کورونا کے 2 ہزار 228 مریضوں کی حالت تشویشناک ہے۔ 

کورونا وائرس کی تشخیص کیلئے ملک بھر میں گزشتہ 24 گھنٹوں کے دوران 45 ہزار 587ٹیسٹ کیے گئے اب تک کیے گئے مجموعی ٹیسٹس کی تعداد 77 لاکھ 22ہزار 829ہو گئی۔کورونا کے فعال کیسز 34 ہزار 412 ہو گئے۔

گزشتہ 24 گھنٹوں کے دوران ملک بھر میں 1 ہزار 223افراد نے کورونا وائرس کو شکست دی جس کے بعد صحتیاب افراد کی مجموعی تعداد 4 لاکھ 90ہزار126ہو گئی۔ 

صوبہ سندھ میں کورونا سے 2 لاکھ 42ہزار54 افراد متاثر ہوئے، پنجاب میں 1 لاکھ 54ہزار717، خیبر پختونخوا میں 65ہزار740، بلوچستان میں 18 ہزار754 جبکہ اسلام آباد میں 40 ہزار892 افراد کورونا میں مبتلا ہیں۔

سب سے زیادہ اموات پنجاب میں ہوئیں جہاں 4 ہزار 608 افراد کورونا کے باعث انتقال کر گئے، سندھ میں 3 ہزار 900، خیبر پختونخوا میں 1 ہزار 848، بلوچستان میں 193، اسلام آباد میں 468، آزاد کشمیر میں 257جبکہ گلگت بلتستان میں 102افراد جاں بحق ہوئے۔

یہ بھی پڑھیں: کورونا ویکسین پر سیاست