گوگل نیوز پر ہمیں فالو کریںلاہور: احتساب عدالت نے رمضان شوگر ملز ریفرنس میں حمزہ شہباز کے جوڈیشل ریمانڈ میں 17 جنوری تک توسیع کر دی جبکہ اپوزیشن لیڈر شہباز شریف کی مستقل حاضری معافی کی درخواستوں پر فیصلہ محفوظ کرلیا۔
احتساب عدالت میں آشیانہ اقبال اور رمضان شوگر ملز ریفرنسز کی سماعت ہوئی، جیل حکام نے حمزہ شہباز کو جج امجد نذیر کے روبرو پیش کیا۔
دوران سماعت وکیل امجد پرویز نے شہباز شریف کی مستقل حاضری معافی کی درخواستوں پر دلائل دئیے اور کہا شہباز شریف اپنے بھائی کے علاج کے لیے بیرون ملک گئے ہیں، ان کا اپنا علاج بھی جاری ہے۔
امجد پرویزکاکہناتھاکہ ڈاکٹرز نے چیک اپ کے لئے انہیں 9 اور 15 جنوری کا وقت دیا ہے، عدالت شہباز شریف کو مستقل طور پر حاضری سے استثنی کا حکم دے۔
نیب نے شہباز شریف کی مستقل حاضری معافی کی درخواست کی مخالفت کی اور موقف اختیار کیا کہ شہباز شریف کے وکیل کو خود علم نہیں ہے کہ ان کے موکل کب واپس آئیں گے۔
یہ بھی پڑھیں: عدالت کا آصف علی زرداری اور فریال تالپور پر 22 جنوری کو فردِ جرم عائد کرنے کا فیصلہ
