عدالت نے عامر لیاقت کا پوسٹ مارٹم کرانیکا فیصلہ کالعدم قرار دے دیا

کراچی: عدالت نے پی ٹی آئی کے رکنِ قومی اسمبلی و ٹی وی میزبان عامر لیاقت حسین کا پوسٹ مارٹم کرانے کا فیصلہ کالعدم قرار دیتے ہوئے مرحوم کی بیٹی کی درخواست منظور کر لی ہے۔

تفصیلات کے مطابق عامر لیاقت کی صاحبزادی دعا عامر کی سابق رکنِ قومی اسمبلی کے پوسٹ مارٹم کے خلاف درخواست کی سماعت کراچی کی مقامی عدالت میں ہوئی۔ ایڈیشنل اینڈ ڈسٹرکٹ سیشن جج شرقی نے سماعت کی۔

یہ بھی پڑھیں:

کرن تعبیر کے ہاں 12 سال بعد پہلی بار ننھے مہمان کی آمد

ایڈیشنل اینڈ ڈسٹرکٹ سیشن جج نے عامر لیاقت کی صاحبزادی دعا عامر کی درخواست پر دلائل سنے اور بعد ازاں درخواست منظور کرتے ہوئے عامر لیاقت کا پوسٹ مارٹم کرانے کے فیصلے کو کالعدم قرار دے دیا۔

قبل ازیں جوڈیشل مجسٹریٹ شرقی کی جانب سے 18 جون کے روز عامر لیاقت حسین کا پوسٹ مارٹم کرانے کا حکم دیا گیا تھا جس کی درخواست ایک شہری کی جانب سے دائر کی گئی تھی، تاہم عامر لیاقت کے لواحقین اس فیصلے کے خلاف تھے۔

ورثاء نے عامر لیاقت حسین کی بیٹی دعا عامر کی جانب سے عدالت کے پوسٹ مارٹم کرانے سے متعلق فیصلے کے خلاف اپیل دائر کی۔ خیال رہے کہ عامر لیاقت حسین کا انتقال 50 برس کی عمر میں 9جون کے روز ہوا تھا تاہم انتقال کی وجوہات تاحال واضح نہیں ہوسکیں۔