گوگل نیوز پر ہمیں فالو کریںاسلام آباد :وفاقی وزیر منصوبہ بندی و ترقیات و چیئرمین نیشنل کمانڈ اینڈ آپریشن سینٹر اسدعمر نے کہا ہے کہ حکومت عید کے بعد تمام شہریوں کے لیے کورونا ویکسین کی رجسٹریشن کا منصوبہ بنا رہی ہے۔
سینئر صحافیوں سے گفتگو کرتے ہوئے اسد عمر نے پاکستان میں کورونا کی تیسری لہر کے حوالے سے آئندہ پانچ سے چھ ہفتوں کو اہم قرار دیا۔انہوں نے کہا کہ اب تک نجی شعبے سے 14 ہزار افراد نے ویکسین لگوائی ہے ،سرکاری سطح پر 11 افراد کو ویکسین لگائی جاچکی ہے۔
انہوںنے کہاکہ ویکسی نیشن کے لیے اس وقت چین، پاکستان کا بنیادی ذریعہ ہے جبکہ عید کے بعد ملک میں کورونا کی کین سینو ویکسین بھی دستیاب ہوگی۔
مزید پڑھیں:کورونا کے وار مزید تیز، وباء نے 105 زندگیاں نگل لیں، 5ہزار312 نئے شکار
اسد عمر نے میڈیا نمائندوں کو بتایا کہ عید کے بعد ہم یومیہ ایک لاکھ 25 ہزار سے زائد افراد کو ویکسین لگانے کے قابل ہوں گے۔انہوں نے کہا کہ ملک میں اس وقت کورونا کے تشویشناک مریضوں کی تعداد پہلی لہر سے زیادہ ہے جو تشویش کی بات ہے۔وفاقی وزیر نے زور دیتے ہوئے کہا کہ ایس او پیز پر سختی سے عملدرآمد کے ذریعے کیسز کی شرح کو کم کیا جاسکتا ہے۔
واضح رہے کہ ملک بھر میں کورونا وائرس کی روک تھام کیلئے 10 لاکھ افراد نے ویکسین لگوا لی ،سماجی رابطے کی ویب سائٹ ٹوئٹر پر اپنے پیغام میں وزیرِ منصوبہ بندی اسد عمر نے کہا کہ اب تک 10 لاکھ افراد کورونا ویکسین لگوا چکے ہیں جبکہ گزشتہ روز 76 ہزار افراد نے ویکسین لگوائی۔
Total vaccinations carried out so far crossed 1 million. More than 76 thousand vaccinations were carried out yesterday. Total number of people registered so far is now over 2 million. 600k health care workers and more than 1.4 million 50 plus. Please register if u are 50 plus.
— Asad Umar (@Asad_Umar) April 6, 2021
