کورونا وائرس: کراچی میں پابندی کے باوجود کھلنے 20 اسکولوں کی رجسٹریشن معطل

کراچی : ڈی جی پرائیویٹ انسٹیٹیوشنزنے منگل کو کراچی کے مزید 20 اسکولوں کی رجسٹریشن کو محکمہ سندھ کے محکمہ تعلیم اور خواندگی کے احکامات کی خلاف ورزی پر معطل کردیا ہے۔

نجی اداروں کی رجسٹرار رفیعہ جاوید نے انسپکشن ٹیم کے ہمراہ مختلف علاقوں کا دورہ کیا اور دو دن میں 50 اسکولوں کی رجسٹریشن معطل کردی اور بورڈ آف سیکنڈری ایجوکیشن کو اسکولوں کے خلاف کارروائی کی سفارش کی ہے۔

یہاں یہ امر قابل ذکر ہے کہ حکومت سندھ نے اس سے قبل اعلان کیا تھا کہ کورونا وائرس کے تناظر میں صوبے میں تمام تعلیمی ادارے 13 مارچ تک بند رہیں گے۔

مزید پڑھیں:کورونا وائرس: سندھ میں تعلیمی ادارے 13 مارچ تک بند

انتظامیہ نے ان اسکولوں کی رجسٹریشن معطل کردی ہے جو ابھی بھی کھلے ہوئے تھے۔ مزید برآں صدر کے علاقے میں ایک اسکول کے پرنسپل نے بھی رجسٹرار کو دھمکی دی۔

دوسری طرف حکومت نے ایک کورونا وائرس کیس کی اطلاع دی ہے ، جس سے پاکستان میں پانچ کیس ہوچکے ہیں ،پچھلے ہفتے پہلے دو کیسزکی تصدیق ہوئی تھی۔