کورونا وائرس نے مزید 6 پاکستانیوں کی جان لے لی،670 افرادمتاثر

کراچی : پاکستان میں کورونا وائرس کی وباء کی وجہ سے گذشتہ 24 گھنٹوں کے دوران مزید 6 افراد ہلاک ہوگئے جبکہ ملک میں مزید 670 کیسز  کی تصدیق کے بعد مجموعی تعداد 2 لاکھ 88 ہزار 717 ہوگئی ۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق 24 گھنٹے میں 670 افراد کا مثبت تجربہ کیا گیا جبکہ مزید 6 ہلاکتوں کے بعد پاکستان میں  کورونا وائرس سے ہونیوالی ہلاکتوں کی تعداد 6 ہزار 168 ہوگئی ہے۔

اب تک سندھ میں 125904 کیسز کی تصدیق ہوچکی ہے ، پنجاب میں 95ہزار391 ، خیبرپختونخوا میں 35ہزار153 ، اسلام آباد میں 15 ہزار 378 ، بلوچستان میں 12ہزار224 ، آزاد کشمیر میں 2ہزار181 اور گلگت بلتستان میں 2 ہزار 486 مریضوں کی تصدیق ہوئی ہے۔

مزید پڑھیں:دنیا بھر میں کورونا وائرس سے ہلاکتوں کی تعداد 7لاکھ 68ہزار سے تجاوزکرگئی

سندھ میں 2ہزار317 افراد وبائی مرض کی وجہ سے ہلاک ہوچکے ہیں، پنجاب میں 2ہزار182 ، خیبر پختونخوا میں 1ہزار238 ، بلوچستان میں 138 ، اسلام آباد میں 173 ، گلگت بلتستان میں 60 اور آزاد کشمیر میں 60 افراد اپنی جان سے ہاتھ دھو چکے ہیں۔