گوگل نیوز پر ہمیں فالو کریںکراچی : صوبہ سندھ میں کورونا وائرس سے متاثر ہونے والے افراد کی تعداد 5ہزار 291 ہو گئی جبکہ وائرس کے باعث 92 افراد جاں بحق ہو گئے ہیں۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ آج صبح 8 بجے تک کورونا وائرس کی صورتحال کے مطابق سندھ میں کورونا وائرس کے 5 ہزار 291 کیسز کی تصدیق ہوئی ہے۔
پیغام میں ترجمان سندھ حکومت بیرسٹر مرتضیٰ وہاب نے کہا کہ سندھ میں گزشتہ 24 گھنٹوں کے دوران کورونا وائرس کے4 ہزار 112 ٹیسٹس کیے گئے جس سے مجموعی ٹیسٹس کی تعداد 48 ہزار 61 ہو گئی ہے۔
ترجمان سندھ حکومت مرتضیٰ وہاب نے کہا کہ گزشتہ 24 گھنٹوں کے دوران 335 نئے کیسز کی تصدیق ہوئی جس سے کورونا وائرس کے متاثرہ افراد کی مجموعی تعداد 5 ہزار291 ہو گئی جبکہ مجموعی طور پر 963 افراد کورونا وائرس سے صحتیاب ہوئے۔
بیرسٹر مرتضیٰ وہاب نے کہا کہ گزشتہ 24 گھنٹوں کے دوران 38 افراد کورونا وائرس سے صحتیاب ہو گئے جنہیں گھر جانے کی اجازت دے دی گئی ہے۔
The following information is relevant to assess the situation of #COVIDー19 in Sindh as of 28th April at 8 AM:
Total Tests 48061 (today 4112)
Positive Cases 5291 (today 335)
Recovered Cases 963
Deaths 92In the last 24 hours, 38 people have recovered from corona in Sindh
— Murtaza Wahab Siddiqui (@murtazawahab1) April 28, 2020
یاد رہے کہ اس سے قبل پاکستان میں کورونا وائرس سے مزید 16 افراد جان کی بازی ہار گئے جس سے ملک میں وائرس کے باعث جاں بحق ہونے والوں کی تعداد 301 ہو گئی۔
اعدادوشمار کے مطابق گزشتہ 24 گھنٹوں کے دوران وائرس سے متاثرہ 751نئے کیسز کی تصدیق ہوئی جس کے بعد وائرس سے متاثرہ افراد کی تعداد 14 ہزار 79 ہو گئی۔
مزید پڑھیں: پاکستان میں کورونا وائرس سے جاں بحق افراد کی تعداد 301 ہو گئی
