گوگل نیوز پر ہمیں فالو کریںاسلام آباد: پاکستان میں کورونا وائرس سے 1 لاکھ 76ہزار617 افراد متاثر ہوئے جبکہ وائرس کے باعث جاں بحق ہونے والوں کی تعداد 3ہزار 501ہو گئی ہے۔
سرکاری اعدادوشمار کے مطابق گزشتہ 24 گھنٹوں کے دوران وائرس کے 4 ہزار 951نئے کیسز کی تصدیق ہوئی جبکہ وائرس کے باعث 119مزید پاکستانی شہری زندگی کی بازی ہار گئے۔
کورونا وائرس کی تشخیص کیلئے اب تک10 لاکھ71ہزار 642ٹیسٹ کیے گئے جبکہ گزشتہ 24 گھنٹوں کے دوران کیے جانے والے ٹیسٹس کی تعداد28ہزار855ہے۔
ہر گزرتے روز کے ساتھ پاکستان بھر میں کورونا وائرس سے متاثرہ نئے کیسز کی تصدیق ہو رہی ہے جبکہ وائرس کے باعث ہونے والی ہلاکتوں میں بھی اضافہ ہورہا ہے۔
پنجاب میں کورونا وائرس کے65 ہزار739، سندھ میں 67ہزار 353، خیبرپختونخواہ میں 21ہزار 444، بلوچستان میں 9ہزار 328، آزاد کشمیر میں 813، گلگت بلتستان میں1 ہزار 278جبکہ اسلام آباد میں 10 ہزار 662کیسز کی تصدیق ہوئی۔
پاکستان بھر میں کورونا وائرس کے مجموعی طور پر1 لاکھ 5ہزار 224فعال کیسز کی تصدیق ہوئی جبکہ67ہزار 892افراد کورونا وائرس سے صحت یاب ہوچکے ہیں۔
وائرس کے باعث سب سے زیادہ اموات پنجاب اور سندھ میں ہوئیں۔ پنجاب میں 1 ہزار 407افراد کورونا وائرس کے باعث زندگی کی بازی ہار گئے جبکہ سندھ میں 1 ہزار 48افراد جاں بحق ہوئے۔
خیبر پختونخواہ میں کورونا وائرس کے باعث808،آزاد کشمیر میں 19، گلگت بلتستان میں 21، اسلام آباد میں98 جبکہ بلوچستان میں 100افراد جاں بحق ہوئے۔
یاد رہے کہ اس سے قبل گھر گھر جاکر کورونا ٹیسٹ کرنے والا طبی عملہ بھی کورونا وائرس سے نہ بچ سکا۔بڑی تعداد میں طبی عملے کے وائرس سے متاثر ہونے کے باعث محکمہ صحت سندھ نے گھر گھر جاکر کورونا وائرس ٹیسٹ کرنے کی سہولت عارضی طور پر معطل کردی۔
محکمہ صحت سندھ کی جانب سے گزشتہ روز کیے گئے ٹوئٹ میں بتایا گیا ہے کہ گھر وں پرجاکر ٹیسٹ کرنے والے طبی عملے کی بڑی تعداد کرونا وائرس سے متاثر ہوگئی ہے جس کے باعث محکمہ صحت سندھ نے پیر کے روز تک گھر جاکر ٹیسٹ کرنے کی سہولت معطل کردی۔
مزید پڑھیں: گھر گھر ٹیسٹ کرنے والا طبی عملہ بھی کورونا سے نہ بچ سکا
