گوگل نیوز پر ہمیں فالو کریںکراچی : سندھ میں کورونا وائرس کے مزید 307 کیسز سامنے آنے کے بعد مریضوں کی تعداد 8189 تک پہنچ گئی، سندھ میں ہلاکتوں کی تعداد 148 ہوگئی ،اب تک 1670 مریض صحت یاب ہوچکے ہیں ۔
وزیراعلیٰ سندھ سید مراد علی شاہ نے کہا ہے کہ 2250 ٹیسٹ کروائے گئے ،ان میں سے 307 نئے کیسز کا پتہ چلا ہے ،11 مزید افراد اپنی جان سے ہاتھ دھو بیٹھے جبکہ ہلاکتوں کی تعداد 148 ہوگئی ہے۔
وزیراعلیٰ ہاؤس سے جاری ایک بیان میں کہا گیا ہے کہ 2250 ٹیسٹ کئے گئے جس کے نتیجے میں 307 نئے کیسز سامنے آئے۔ انہوں نے بتایا کہ محکمہ صحت نے اب تک 68873 ٹیسٹ کروائے ہیں جس میں سے 8189 مثبت کیسز کی تشخیص ہوئی ہے۔
مراد علی شاہ نے بتایا کہ کورونا وائرس نے مزید 11 افراد کی جان لی ہے اور ہلاکتوں کی تعداد 148 ہوگئی ہے۔ اب تک کل 1670 مریض صحت یاب ہوچکے ہیں جوکہ 20.5 فیصد بحالی کی شرح بنتی ہے۔
وزیراعلیٰ سندھ کے مطابق 6370 مریض زیر علاج ہیں ، ان میں سے 5139 گھروں میں آئسولیشن میں ہیں ، 736 قرنطینہ مراکز میں اور 495 مختلف اسپتالوں میں ہیں۔ 82 مریضوں کی حالت تشویشناک ہے ، جن میں سے 13 وینٹی لیٹر پر ہے۔
مراد علی شاہ نے بتایا کہ کورونا وائرس کے 307 نئے کیسز میں سے 237 کا تعلق کراچی سے ہے ، ان میں سے 70 وسطی ، 45 شرقی ، 21 کورنگی ، 55 ملیر ، 34 جنوبی اور12کا تعلق ضلع غربی سے ہے۔
مزید پڑھیں: قرنطینہ کے 9ویں روز میں طبیعت میں بہتری محسوس کررہا ہوں۔گورنر سندھ
