گوگل نیوز پر ہمیں فالو کریںلاہور میں جدید معیار کی ٹریفک کے لیے ایک اور انقلابی قدم کے تحت سڑکوں پر سائیکل اور موٹر سائیکل سواروں کے لئے الگ الگ راستہ مختص کر دیا گیا ہے۔
وزیر اعلیٰ مریم نواز کی ہدایت پر کیے گئے حکومت پنجاب کے اس اقدام سے سائیکل اور موٹر سائیکل سواروں کی حادثات سے حفاظت ہو گی، بتایا گیا ہے کہ مرحلہ وار صوبائی دار الحکومت لاہور کی تمام سڑکوں پر بائیکر لینز بنائی جائیں گی۔
پہلے مرحلے میں لاہور کے فیروز پور روڈ کینال روڈ سے لاہور پل تک بائیکر لین کی تعمیر جاری ہے، 10 کلومیٹر بائیکرز لین کو خوبصورت سبز رنگ سے تیار کیا جا رہا ہے۔
شہریوں کا کہنا ہے کہ بائیکرز لین کے جدید عالمی تصور سے حادثات میں کمی اور ٹریفک کی روانی میں بہتری آئے گی۔ وزیر اعلیٰ پنجاب مریم نواز نے بائیکرز لین پر تعمیراتی معیار کو بہترین بنانے کی ہدایت کی ہے۔
