کمپیوٹر ٹیکنالوجی سے خصوصی بچوں کی صلاحیتوں کو بڑھانے میں مدد فراہم کی جاسکتی ہے، سید قاسم نوید قمر

کراچی: وزیر اعلیٰ سندھ کے معاون خصوصی برائے محکمہ بحالی خصوصی افراد سید قاسم نوید قمر نے کہا ہے کہ سائنس نے لوگوں کی زندگی کو بہت آسان بنا دیا ہے اور امید ہے کہ کمپیوٹر ٹکنالوجی کے ذریعہ خصوصی بچے بہتر تعلیم حاصل کرسکیں گے اور اپنی صلاحیتوں کو بڑھا سکتے ہیں۔

ونڈر ٹری کے وفد سے اپنے دفتر میں گفتگو کرتے ہوئے سید قاسم نوید قمر نے کہا کہ وہ ایسا سافٹ ویئر تیار کریں جو بچوں کو کمپیوٹر ٹیکنالوجی سے لیس کرنے کے لئے مختلف طریقے سے مددگار ثابت ہو اور اس سافٹ ویر کے فوائد دیہی علاقوں تک بھی بڑھا دیئے جائیں۔

اجلاس میں فیصلہ کیا گیا کہ پہلے مرحلے میں اسے گلستان جوہر بحالی مرکز میں شروع کیا جائے گا اور اس کے بعد اسے صوبے بھر میں سات اور بحالی مراکز تک بڑھایا جائے گا۔

وزیراعلیٰ سندھ کے معاون خصوصی برائے محکمہ بحالی خصوصی افراد سید قاسم نوید قمر نے مزید کہا ، ‘وقت آگیا ہے کہ ہمیں اپنے خصوصی بچوں اور بڑوں کی تعلیم کے لئے مواصلات کے تمام ذرائع استعمال کرنا چاہیں اور حکومت سندھ مقصد کے حصول کے لئے بھرپور طریقے سے کام کر رہی ہے۔

سید قاسم نوید قمر نے کہا کہ انہیں اس بات پر بھرپور یقین ہے کہ اگر ہم مل کر کام کریں گے تو ہم اپنے مقاصد کو بہتر طریقے سے حاصل کرسکیں گے۔