گوگل نیوز پر ہمیں فالو کریںکراچی: وزیر اعلیٰ سندھ سیّد مراد علی شاہ سے ڈی جی رینجرز سندھ میجر جنرل عمر احمد بخاری نے وزیر اعلیٰ ہاؤس میں ملاقات کی جس کے دوران امن و امان کی صورتحال پر گفتگو ہوئی۔
ملاقات کے دوران کراچی میں رینجرز کے ٹارگیٹیڈ آپریشنز، مجرموں کی گرفتاری اور دیگر امور پر بات چیت ہوئی۔ اس دوران وزیر اعلیٰ نے رینجرز کی کارکردگی کو سراہا۔
اس موقعے پر گفتگو کرتے ہوئے وزیر اعلیٰ سندھ نے کہا کہ کراچی میں امن و امان کی صورتحال تسلی بخش ہے۔ رینجرز اور قانون نافذ کرنے والے ادارے اپنا کام خیر و خوبی سے انجام دے رہے ہیں۔
https://www.instagram.com/p/B8dR_wyA8KU/?igshid=1y0lldybbb943
یاد رہے کہ اس سے قبل میئر کراچی وسیم اختر نے ڈی جی رینجرز سندھ کو کے ایم سی کی زمین پر قبضہ ختم کرانے کا مطالبہ کرتے ہوئے کہا کہ ایف آئی آر درج ہونے کے باوجود کارروائی نہیں ہو رہی، ہماری مدد کی جائے۔
تین روز قبل تحریر کیے گئے خط میں کہا گیا کہ مافیا نے کے ایم سی آفیسرز سوسائٹی کی زمین پر قبضہ کر لیا۔پولیس نے ایف آئی آر درج کر لی، تاہم مافیا کے خلاف کوئی کارروائی نہیں کی گئی۔
مزید پڑھیں: زمین پر قبضے کے خلاف میئر کراچی کا ڈی جی رینجرز کو خط
