گوگل نیوز پر ہمیں فالو کریںکراچی کے علاقے گلشنِ حدید میں کورونا وائرس کے باعث ڈاکٹر عبدالقادر سومرو انتقال کر گئے جبکہ وزیرِ اعلیٰ سندھ نے ان کے انتقال پر افسوس کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعلیٰ سندھ نے مایہ ناز ماہرِ امراضِ جلد ڈاکٹر عبدالقادر سومرو کے انتقال پر تعزیت کا اظہار کرتے ہوئے کہا کہ ڈاکٹر عبدالقادر کی وفات نے مجھے افسردہ کردیا ہے۔
ڈاکٹر عبدالقادر سومرو کے انتقال پر اپنے پیغام میں وزیرِ اعلیٰ سندھ نے کہا کہ مجھے ڈاکٹر عبدالقادر سومرو کی وفات کا گہرا دُکھ ہے جبکہ ڈاکٹر حضرات کورونا وائرس کے خلاف ملک گیر جنگ کے دوران ہمارے لیے ہراول دستے کا کردار ادا کر رہے ہیں۔
وزیرِ اعلیٰ سندھ سیّد مراد علی شاہ نے کہا کہ ایسے ڈاکٹرز کو جو بہترین خراجِ تحسین پیش کیا جاسکتا ہے وہ یہ ہے کہ ہم مہلک کورونا وائرس کے خلاف اپنی جدوجہد اور جنگ جاری رکھیں۔ دُعا کرتا ہوں کہ اللہ تعالیٰ ان کی روح کو سکون عطا فرمائے اور ان کے اہلِ خانہ کے دکھ درد میں کمی فرمائے۔
Deeply saddened over the passing of Dr.Abdul Qadir Soomro. #Doctors are our 1st line of defence in facing this #pandemic. The best tribute we can pay this #frontline hero is to continue fighting this deadly #virus. May Allah rest his soul in peace &ease his family’s pain -Aameen
— Murad Ali Shah (@MuradAliShahPPP) April 6, 2020
