گوگل نیوز پر ہمیں فالو کریںکرسٹیانو رونالڈو عالمی سطح پر 100 گولز کرنے والے دوسرے کھلاڑی بن گئے ہیں جبکہ پرتگال کیلئے کھیلنے والے فٹبالر نے یہ اعزاز سویڈن کے خلاف یو ای ایف اے کے نیشنز لیگ میچ کے دوران حاصل کیا۔
تفصیلات کے مطابق یونین آف یورپین فٹبال ایسوسی ایشنز (یو ای ایف اے) کے گزشتہ روز کھیلے گئے میچ میں کرسٹیانو رونالڈو نے عالمی سطح پر دوسرے 100 گولز اسکور کرنے والے کھلاڑی کا اعزاز حاصل کیا۔
???????????????????? Ronaldo passes 100 Portugal goals as holders win…#NationsLeague
— UEFA EURO 2024 (@EURO2024) September 8, 2020
پرتگال کی طرف سے فٹبال کھیلتے ہوئے 35 سالہ کرسٹیانو رونالڈو نے ایران کے کھلاڑی علی ڈائی کے بعد 100 گولز مکمل کیے جبکہ علی ڈائی وہ پہلے کھلاڑی تھے جنہوں نے عالمی سطح پر یہ اعزاز جیتا۔
سماجی رابطے کی ویب سائٹ انسٹاگرام پر اپنے پیغام میں پرتگالی کھلاڑی کرسٹیانو رونالڈو نے کہا کہ اپنی قومی ٹیم کیلئے تاریخی گول کرکے بے حد فخر محسوس ہورہا ہے۔
کرسٹیانو رونالڈو نے اپنے تاریخی اعزاز پر تبصرہ کرتے ہوئے کہا کہ جب مجھے بتایا گیا کہ میں 100 گولز کرنے والا ہوں تو میں نے کہا کہ یہ کافی نہیں ہے۔ میں پرتگال کیلئے 101 گولز کرنا چاہتا ہوں۔
واضح رہے کہ کرسٹیانو رونالڈو کا یہ گول براہِ راست فری کک میں اپنے کیرئیر کا 57واں جبکہ پرتگال کیلئے 10واں گول ہے۔ قبل ازیں کرسٹیانو رونالڈو دیگر ٹیمز میں بھی عالمی گولز کرچکے ہیں۔
یہ بھی پڑھیں: فرانس کو ورلڈ کپ دِلانے والے معروف فٹبالر کورونا کا شکار
