چین اور بھارت کا سرحدی معاملات پر بات چیت جاری رکھنے پر اتفاق

بیجنگ: چین اور بھارت کی جانب سے لائن آف کنٹرول سے جڑے مسائل کے حل کے لیے فوجی کمانڈر سطح کی میٹنگ کا انعقاد کیا گیا، بقیہ مسائل کے باہمی طور پر قابل قبول حل تک پہنچنے کے لیے فوجی اور سفارتی ذرائع نے ایک دوسرے سے بات چیت جاری رکھنے پر اتفاق کیا۔

چین کی وزارت قومی دفاع کے مطابق، دونوں ممالک کے درمیان کور کمانڈر سطح کی میٹنگ کا 15 واں دور ہندوستان کی طرف مولڈو-چشول بارڈر میٹنگ پوائنٹ پر منعقد ہوا۔

چینی وزارت کی طرف سے جاری کردہ ایک مشترکہ بیان میں کہا گیا ہے کہ دونوں فریقوں نے 12 جنوری 2022 کو ہونے والے پچھلے دور سے اپنی بات چیت کو آگے بڑھایا، جس میں چین بھارت سرحدی علاقوں کے مغربی سیکٹر میں لائن آف ایکچوئل کنٹرول (ایل اے سی) کے ساتھ متعلقہ مسائل کے حل کے لیے بات چیت کی گئی۔

بیان میں کہا گیا کہ ریاستی رہنماؤں کی ہدایت کے مطابق بقیہ مسائل کو جلد از جلد حل کرنے کے لیے ایک تفصیلی تبادلہ خیال کیا گیا۔

چین اور ہندوستان نے اس بات کی توثیق کی کہ اس طرح کی قرارداد مغربی سیکٹر میں ایل اے سی کے ساتھ امن و سکون کی بحالی اور دو طرفہ تعلقات میں پیشرفت کو آسان بنانے میں مدد دے گی۔ بیان میں کہا گیا کہ دونوں فریقوں نے عبوری طور پر مغربی سیکٹر میں زمینی سلامتی اور استحکام کو برقرار رکھنے پر بھی اتفاق کیا۔

مزید پڑھیں: یوکرین نے روس کے خلاف جنگ میں 1300فوجیوں کی ہلاکت تسلیم کرلی

اس میں کہا گیا ہے کہ دونوں فریقین نے فوجی اور سفارتی ذرائع سے بات چیت کو برقرار رکھنے پر اتفاق کیا ہے تاکہ بقیہ مسائل کے جلد از جلد باہمی طور پر قابل قبول حل تک پہنچ سکیں۔