گوگل نیوز پر ہمیں فالو کریںمصور پاکستان شاعرِ مشرق علامہ ڈاکٹر محمد اقبال کے 147 ویں یومِ ولادت کے موقع پر لاہور میں واقع مزارِ اقبال پر گارڈز کی تبدیلی کی تقریب ہوئی۔
پر وقار روایتی تقریب کے دوران گارڈ کی تبدیلی عمل میں آئی۔ اس موقع پر پاکستان نیوی کے کمانڈر سینٹرل پنجاب ریئر ایڈمرل اظہر محمود تقریب کے مہمانِ خصوصی تھے۔
تقریب کے اختتام پر پاک بحریہ کے دستے نے مزارِ اقبال پر اعزازی گارڈ کے فرائض سنبھال لیے۔ دریں اثنا شاعر مشرق علامہ اقبال کے یومِ ولادت پر آج ملک بھر میں عام تعطیل ہے۔
شاعرِ مشرق علامہ محمد اقبال کے 147 ویں یومِ پیدائش کے موقع پر ان کی جائے پیدائش اقبال منزل کو بھی خوب سجایا گیا ہے، جہاں تقریبات میں علامہ کو یاد کیا جائے گا۔
علاوہ ازیں آج ملک کے تمام تعلیمی اداروں میں علامہ اقبال اور ان کی شاعری اور فکر و فلسفے کے حوالے سے تقریبات منعقد ہوں گی۔
