کراچی:چیئرمین پاکستان پیپلز پارٹی بلاول بھٹو زرداری نے کراچی میں پانی کے بحران کے حل کے لیے دھابیجی واٹر پمپنگ اسٹیشن کا افتتاح کردیا۔
شہرِ قائد میں گزشتہ روز منعقدہ افتتاحی تقریب میں چیئرمین بلاول بھٹو زرداری کے ہمراہ وزیر اعلیٰ سندھ سیّد مراد علی شاہ، وزیر بلدیات سیّد ناصر حسین شاہ ، مشیرِ قانون مرتضیٰ وہاب اور دیگر نے شرکت کی۔
Dhabeji (January, 21st, 2020): Chairman PPP Bilawal Bhutto Zardari unveils the plaque to inaugurate 100 MGD pumping House. He is accompanied by Sindh Chief Minister Syed Murad Ali Shah, Local Government Minister Nasir Shah, Advisor Law Murtaza Wahab and others. pic.twitter.com/8OODOWYTN0
— Sindh Chief Minister House (@SindhCMHouse) January 21, 2020
یاد رہے کہ اس سے قبل وزیر اطلاعات سعید غنی نے پیغام دیا کہ چیئرمین پاکستان پیپلز پارٹی بلاول بھٹو زرداری دھابیجی واٹر پمپنگ اسٹیشن کا افتتاح کریں گے جس کے تحت پانی کی قلت سے پریشان شہریوں کی مشکلات آسان ہوسکیں گی۔
سماجی رابطے کی ویب سائٹ ٹوئٹر پرگزشتہ روز وزیر اطلاعات سندھ سعید غنی نے بلاول بھٹو کی کراچی آمد کی خبر دیتے ہوئے کہا کہ بلاول بھٹو زرداری 100 ایم جی ڈی کے واٹر پمپنگ اسٹیشن کا افتتاح کریں گے۔
وزیر اطلاعات و محنت سندھ سعید غنی نے کہا کہ واٹر پمپنگ اسٹیشن سے کراچی کو 50 ملین گیلن اضافی پانی مل سکے گا جبکہ اس منصوبے سے کراچی میں پانی کی ضروریات کو پوراکرنے میں مدد ملے گی۔
مزید پڑھیں: بلاول بھٹو زرداری کا دھابیجی واٹر پمپنگ اسٹیشن کا افتتاح