گوگل نیوز پر ہمیں فالو کریںاسلام آباد:شہر اقتدار میں گاڑیاں کرائے پر حاصل کرکے آگے فروخت کرنے والا گروہ سر گرم ہوگیا، ملزمان نے ہنڈا سٹی گاڑی شو روم سے گاڑی رینٹ پر لیکر آگے فروخت کر دی،پولیس نے مقدمہ درج کرکے تفتیش شروع کردی۔
ذرائع کے مطابق،راجہ عمران اصغر سکنہ اصغر مال راولپنڈی، راجہ عابد سکنہ اصغر مال،گلنواز ولد ج لعل سکنہ جناح گارڈن نے راحیل موٹرز جی ایٹ مرکز سے ہنڈا سٹی گاڑی ماڈل 2020 رینٹ پر لی اور پیشہ ور ملزمان سے ملی بھگت کر کے آگے فروخت کر دی اور گاڑی واپسی پر انکاری ہو گئے۔
گل نواز نامی نوسر باز جو پہلے بھی اس قسم کی سرگرمیوں میں ملوث ہے اور خود کو بڑا با اثر سرکاری ملازم ظاہر کرتا ہے سے جب راحیل موٹرز کے مالک رانا راحیل نے گاڑی کی واپسی کا تقاضا کیا تو گل نواز نے دھمکیاں دینا شروع کر دیں۔
گل نواز نے کہا کہ اگر کوئی قانونی کارروائی کی تو تمہیں جان سے ماردیں گے،واضح رہے کہ یہ نوسر بازوں کا ٹولہ راولپنڈی اور اسلام آباد میں متعدد وارداتیں کر چکا ہے اور بہت سے لوگوں کو انکی قیمتی گاڑیوں سے محروم کر چکا ہے۔
مزید پڑھیں: راولپنڈی میں ڈکیت گینگ کا سرغنہ 4ساتھیوں سمیت گرفتار
