گوگل نیوز پر ہمیں فالو کریںکراچی:بینک دولت پاکستان کی سفارش پر وفاقی حکومت نے عوام کی سہولت کی خاطر 10، 50، 100 اور 1000 روپے کے پرانے نوٹ تبدیل کرانے کی تاریخ ایک سال بڑھا دی ہے۔
اس سے قبل پرانے نوٹوں کی تبدیلی کی آخری تاریخ 31 دسمبر 2021 تھی ۔ وفاقی حکومت کے 23 دسمبر 2021کے گزٹ اعلامیے کے مطابق مقررہ تاریخ گزرنے کے بعد پرانے ڈیزائن کے نوٹ منسوخ تصور ہوں گے اور انہیں تبدیل کرایا نہیں جا سکے گا۔
اس بات پر زور دیا گیا ہے کہ اِن نوٹوں کو تبدیل کرنے کی تاریخ میں وفاقی حکومت کی طرف سے یہ توسیع آخری بار کی گئی ہے اور عوام کو ہدایت کی جاتی ہے کہ وہ اس سہولت سے فائدہ اٹھا کر 31 دسمبر 2022 تک ایس بی پی بی ایس سی کے دفاتر سے اپنے پرانے ڈیزائن کے نوٹوں کو تبدیل کرا لیں۔
واضح رہے کہ اسٹیٹ بینک آف پاکستان نے نئے کرنسی نوٹوں کی اشاعت کے متعلق خبروں کو بے بنیاد قرار دیتے ہوئے کہا تھا کہ عوام کو پریشان ہونے کی ضرورت نہیں۔
مزید پڑھیں:بائنانس ایکس چینج، کرپٹو کرنسی میں اربوں روپے کا فراڈ، ہزاروں پاکستانی لٹ گئے
