گوگل نیوز پر ہمیں فالو کریںمشہورومعروف کورین پاپ بینڈ بی ٹی ایس نے اپنے گیت بٹر کے نام سے سی ڈی ریلیز کرنے کا اعلان کیا جس کی ٹریک لسٹ جاری کردی گئی ہے۔
تفصیلات کے مطابق بی ٹی ایس کے مداحوں پر ٹریک لسٹ جان کر حیرتوں کے پہاڑ ٹوٹ پڑے۔ لسٹ بی ٹی ایس کے آفیشل ٹوئٹر پیج سے جاری کی گئی جس میں گیتوں کے 2 انسٹرومنٹل ورژن بھی شامل ہیں۔
انسٹرومنٹل ورژن میں گیت کی بجائے صرف موسیقی پیش کی جاتی ہے۔ بٹر کے پروڈیوسرز میں آر ایم، راب گریمالڈی، اسٹیفن کرک اور رون پیری شامل ہیں۔
#BTS #방탄소년단 #BTS_Butter Tracklist#PermissiontoDance pic.twitter.com/16fWbwAi7T
— BIGHIT MUSIC (@BIGHIT_MUSIC) July 1, 2021
گرامی ایوارڈز کیلئے نامزد فنکاروں سے آراستہ بی ٹی ایس بینڈ نے بٹر کے گیت سے تاریخی مقبولیت حاصل کی۔ مسلسل 5ویں ہفتے ان کا گیت بٹر بل بورڈ ہاٹ 100 چارٹ میں ٹاپ پوزیشن پر ہے۔
ہاٹ 100 کی تاریخ میں بی ٹی ایس کا گانا بٹر کسی بھی واحد میوزک بینڈ کا گایا ہوا سب سے زیادہ مدت تک فہرست میں شامل رہنے والا گیت ہے جسے اب تک پسند کیا جارہا ہے۔
ڈی ایس ایس سی (ڈیجیٹل سانگز سیلز چارٹ) کی فہرست میں بٹر اب تک نمبر 1 پر ہے جس کی پہلے 5 ہفتوں کے دوران 1 لاکھ سے زائد نقول فروخت ہوئیں۔
خیال رہے کہ اِس سے قبل کورین پاپ سنگرز بی ٹی ایس کے گائے ہوئے گیت بٹر نے تاریخی کامیابی حاصل کر لی، گانا بل بورڈ گلوبل 200 چارٹ پر پہلے نمبر پر آگیا۔
گزشتہ ماہ بٹر کی کامیابی نے بی ٹی ایس کو راتوں رات دنیا کا سب سے بڑا میوزک بینڈ بنا دیا۔ بل بورڈ کے مین سنگلز چارٹ اور ہاٹ 100چارٹ میں شمولیت کے دوسرے ہفتے بھی بٹر پہلے نمبر پر رہا۔
مزید پڑھیں: بٹر کی تاریخی کامیابی، بل بورڈ گلوبل 200 چارٹ پر پہلے نمبر پر آگیا
