روس کی ناکامی تک یوکرین کے ساتھ کھڑے ہیں۔بورس جانسن

لندن: برطانوی وزیر اعظم بورس جانسن نے کہا ہے کہ ہم روس کی ناکامی تک یوکرین کے صدر ولادیمیر زیلنسکی اور یوکرینی عوام کے ساتھ کھڑے ہیں۔

سماجی رابطے کی ویب سائٹ ٹوئٹر پر اپنے پیغام میں برطانوی وزیر اعظم بورس جانسن نے کہا کہ برطانیہ یوکرین کو طاقتور عسکری امداد فراہم کرنے کیلئے دیگر اقوام کی قیادت کر رہا ہے۔

یہ بھی پڑھیں:

سویڈن یا فن لینڈ میں انفراسٹرکچر بنایا تو جواب دینگے۔روس کی  دھمکی

برطانوی وزیر اعظم بورس جانسن نے کہا کہ ہم یوکرینی صدر ولادیمیر زیلنسکی اور یوکرینی عوام کے ساتھ کھڑے رہیں گے تاکہ روسی صدر ولادی میر پیوٹن کو ناکام کیا جاسکے۔ 

The UK is leading the way in providing vital military assistance to Ukraine.

We continue to stand squarely behind President @ZelenskyyUa and the Ukrainian people to ensure Putin fails ???????????????? https://t.co/rPRgrs5Iwu

— Boris Johnson (@BorisJohnson) June 30, 2022

دوسری جانب یوکرین کے صدر ولادیمیر زیلنسکی نے برطانوی وزیر اعظم کے پیغام کا مثبت جواب دیتے ہوئے کہا کہ میں بورس جانسن کا شکر گزار ہوں کہ انہوں نے یوکرین کی عسکری امداد کی۔

یوکرینی صدر ولادیمیر زیلنسکی نے کہا کہ برطانوی وزیر اعظم بورس جانسن نے یوکرین کو 1 ارب پاؤنڈ کی عسکری امداد مہیا کی جبکہ برطانیہ ہمارا سچا دوست اور اسٹرٹیجک پارٹنر ہے۔

صدر ولادیمیر زیلنسکی نے کہا کہ ہم روسی جارحیت کے خلاف برسرپیکار ہیں جبکہ اس دوران برطانیہ کی جانب سے مستقل لیڈر شپ اسپورٹ پر وزیر اعظم بورس جانسن کے شکر گزار ہیں۔