گوگل نیوز پر ہمیں فالو کریںدنیا بھر میں مشہور بلغاریائی نابینا پیشگو بابا وانگا کی ایک خوفناک پیشگوئی جو انہوں نے سال 2025 کے لیے کی تھی، حال ہی میں سچ ثابت ہو گئی ہے۔
بابا وانگا، جن کا اصل نام وانجیلیا پانڈیوا گُشٹیرووا تھا، دنیا بھر میں کئی بڑے عالمی واقعات کی پیشگی خبر دینے کی وجہ سے مشہور رہی ہیں۔
ڈیلی میل کی رپورٹ کے مطابق انہیں نائن الیون حملوں، شہزادی ڈیانا کی موت اور چین کے عالمی طاقت بننے جیسے اہم واقعات کی پیشگوئیوں سے منسوب کیا جاتا ہے۔
بابا وانگا 1996 میں وفات پا چکی ہیں لیکن ان سے منسوب پیشگوئیاں آج بھی دنیا بھر میں تجسس کا باعث بنتی ہیں، خاص طور پر جب 2025 کے لیے ان کی پیشگوئیاں خطرناک حد تک سچ ثابت ہوتی دکھائی دے رہی ہیں۔
بابا وانگا کی پیشگوئیوں میں 2025 میں تباہ کن زلزلوں کی پیش گوئی بھی شامل تھی اور حال ہی میں کئی ممالک خوفناک زلزلوں کا شکار ہوچکے ہیں۔
اگرچہ ان پیشگوئیوں کی کوئی دستاویز موجود نہیں مگر رپورٹس کے مطابق انہوں نے شدید زلزلے اور بڑے پیمانے پر جانی و مالی نقصان کی پیشگوئی کی تھی۔
یہ دعویٰ 28 مارچ 2025 کو میانمار اور تھائی لینڈ کے کچھ حصوں میں آنے والے شدت 7.7 کے زلزلے کے بعد زور پکڑ گیا۔
اس ہولناک زلزلے میں ہزاروں افراد جاں بحق ہوئے جبکہ متاثرہ علاقوں میں وسیع پیمانے پر تباہی دیکھنے میں آئی۔
نیویارک پوسٹ کے مطابق میانمار زلزلے میں ہلاکتوں کی تعداد 1700 سے تجاوز کر چکی ہے اور ریسکیو ٹیمیں اب بھی ملبے سے لاشیں نکالنے میں مصروف ہیں۔
اگر بابا وانگا کی دیگر پیشگوئیاں بھی اسی طرح درست ثابت ہوتی رہیں، تو یہ دنیا کے لیے مزید بحرانی دور کا پیش خیمہ ہو سکتا ہے۔
ان کی پیشگوئیوں میں قدرتی آفات، عالمی جنگوں، اور انسانی تباہی جیسے موضوعات شامل ہیں، جو مستقبل کے بارے میں سنجیدہ خدشات کو جنم دیتے ہیں۔
