وزیر خارجہ بلاول کی مشہد میں امام علی رضا کے مزار پر حاضری

وزیر خارجہ بلاول بھٹو زرداری نے آج ایران کے شہر مشہد کے دورے کے دوران امام علی رضا کے مزار پر حاضری دی۔ اس موقع پر بلاول نے نوافل بھی ادا کیے۔

قبل ازیں وزیر خارجہ بلاول بھٹو مشہد کے ہوائی اڈے پر اترے تو صوبہ خراسان کے گورنر جنرل یعقوب علی نظری نے ان کا خیر مقدم کیا۔

مشہد: پاکستان پیپلزپارٹی کے چیئرمین اور وزیرخارجہ بلاول بھٹو زرداری کی امام رضا کے روضہ مقدس پر حاضری، ملکی سلامتی اور وطن عزیزکے لئے خصوصی دعا، وزیرخارجہ نے آستان قدس رضوی کے متولی علامہ شیخ احمد مروی سے ملاقات بھی کی۔@BBhuttoZardari pic.twitter.com/rmqei6SBnK

— PPP (@MediaCellPPP) June 15, 2022

دفتر خارجہ کے مطابق وزیر خارجہ نے بعد ازاں مزار امام علی رضا پر حاضری دی اور  مہمانوں کی کتاب پر اپنے تاثرات درج کیے۔

وزیر خارجہ نے اپنے تاثرات میں پرامن بقائے باہمی، تمام مذاہب کے احترام اور انسانیت کیلئے رحمت پر مبنی اسلامی تعلیمات کی حقیقی روح کے فروغ کی اہمیت کو اجاگر کیا۔

وزیر خارجہ بلاول نے آستانہ رضوی کے متولی حجت اللہ احمد ماروی سے بھی ملاقات کی۔

وزیر خارجہ نے اربعین کے دوران ایران کا دورہ کرنے والے پاکستانی زائرین کیلئے انتظامات پر حجت اللہ احمد ماروی کا شکریہ ادا کیا اور ایران میں زائرین کے داخلے اور قیام کی سہولت کیلئے باہمی تعاون کو بڑھانے کی ضرورت پر زور دیا۔