گوگل نیوز پر ہمیں فالو کریںکراچی: چیئرمین پی پی پی بلاول بھٹو زرداری نے کہا ہے کہ عوامی مسائل کا حل ہمارے پاس ہے جبکہ ہم الیکشن کی تاریخ ملنے تک چین سے نہیں بیٹھیں گے۔
تفصیلات کے مطابق اپنے ایک بیان میں سابق وزیرِ خارجہ بلاول بھٹو زرداری نے کہا کہ کوئی حلقہ بندیوں کی بات کرتا ہے تو کوئی کہتا ہے کہ موسم ٹھنڈا ہے۔ عوام دیکھیں کہ کون الیکشن سے بھاگ رہا ہے اور بھاگنے والوں کا بائیکاٹ کریں۔
پریکٹس اینڈ پروسیجر ایکٹ پارلیمنٹ کی بالادستی کیلئے اہم ہے۔بلاول
بیان میں چیئرمین پیپلز پارٹی بلاول بھٹو زرداری نے کہا کہ پی پی پی وہ واحد جماعت ہے جو الیکشن وقت پر چاہتی ہے۔ ہم نفرت اور تقسیم کی سیاست ختم کردیں گے۔ حلقہ بندیاں ہوگئیں، اب الیکشن کمیشن انتخابات کی تاریخ کا اعلان کردے۔
سابق وزیرِ خارجہ نے کہا کہ ہم الیکشن کی تاریخ کا نوٹیفکیشن آنے تک چین سے نہیں بیٹھیں گے۔ عوام مہنگائی اور بے روزگاری کے باعث تکلیف میں ہیں۔ تمام مسائل کا حل پیپلز پارٹی کے پاس ہے۔ عوامی مسائل حل کریں گے۔
خیال رہے کہ اس سے قبل چیئرمین پی پی پی بلاول بھٹو زرداری نے کہا ہے کہ پریکٹس اینڈ پراسیجر ایکٹ پارلیمنٹ کی بالادستی اور خود عدلیہ کیلئے اہم ہے۔کینیڈین وزیر اعظم نے بھارت پر جو الزام عائد کیا، وہ بہت بڑا الزام ہے۔
بلاول بھٹو زرداری نے گزشتہ ماہ اپنے بیان میں کہا کہ کینیڈین وزیر اعظم نے سکھ کینیڈین شہری کے قتل کا الزام لگایا، وقت آگیا ہے کہ عالمی برادری بھارت کے ہندوتوا پر مبنی انتہا پسند ریاست ہونے کا اعتراف کرلے۔
