گوگل نیوز پر ہمیں فالو کریںوفاقی دارالحکومت اسلام آباد میں گاڑیوں کی ٹرانسفر فیس میں اضافہ کردیا گیا۔ پہلی بار الیکٹرک گاڑیوں پر بھی منتقلی فیس عائد کر دی گئی۔ فیس میں اضافے کا فوری اطلاق بھی کردیا گیا ہے۔
حکام کا کہنا ہے کہ 1000 سی سی تک کی گاڑی کی منتقلی فیس 1200 سے بڑھا کر 2 ہزار 750 روپے کردی گئی۔ 1 ہزار سے 1800 سی سی گاڑیوں کی فیس 2 ہزار سے بڑھا کر ساڑھے 5 ہزار جبکہ 1800 سی سی سے بڑی گاڑیوں کی فیس 3 ہزار روپے سے بڑھا کر 11 ہزار روپے کر دی گئی اور پہلی بار منتقلی فیس کا اطلاق الیکٹرک گاڑیوں پر بھی کردیا گیا ہے۔
اس حوالے سے حکام کا مزید کہنا ہے کہ 50 کلو واٹ تک کی الیکٹرک گاڑی پر 2500، 50 سے 100 کلو واٹ تک 5500 جبکہ 100 کلو واٹ سے زائد کی الیکٹرک گاڑی کی منتقلی فیس 10 ہزار روپے مقرر کی گئی ہے۔
علاوہ ازیں 200 سی سی تک کی موٹر بائیک کی فیس 150 سے بڑھا کر 550، 200 سے 400 سی سی تک 1000 جبکہ 400 سی سی سے زائد کی موٹر بائیک کی فیس 1500 روپے کردی گئی ہے۔ تمام فیسیں وزارتِ خزانہ کے مقررہ اکاؤنٹ میں جمع کروائی جائیں گی۔
