گوگل نیوز پر ہمیں فالو کریںاسلام آباد: وفاقی وزیر برائے سائنس و ٹیکنالوجی فواد چوہدری نے تاریخ کی اصلاح کیلئے بیان دیتے ہوئے کہا ہے کہ بھنگی سکھوں کے ایک گروہ کا نام تھا یعنی اِس سے جینیٹوریل ورکرز یا صفائی کرنے والے مراد نہیں ہیں، جبکہ انہوں نے یہ بیان ممتاز صحافی حامد میر کے ٹوئٹر پیغام کے جواب میں دیا۔
سماجی رابطے کی ویب سائٹ ٹوئٹر پر اپنے پیغام میں معروف کالم نگار اور صحافی حامد میر نے کہا کہ لاہور پر بڑے عجیب عجیب لوگ حکومت کرتے رہے ہیں جبکہ شہر پر 3 بھنگیوں کی بھی حکومت رہی ہے جن کے ظلم سے تنگ آ کر شہر والوں نے رنجیت سنگھ کو حملے کی دعوت دی۔
تاریخ کی بنیاد پر تحریکِ انصاف کی حکومت پر تنقید کرتے ہوئے سینئر صحافی حامد میر نے کہا کہ آج کے حکمرانوں سے اگر حکومت نہیں ہو رہی تو خود حکومت چھوڑ دیں، ورنہ تاریخ گواہ ہے کہ لاہور والے بھنگیوں سے جان چھڑانے کیلئے کسی رنجیت سندھ کو لے آتے ہیں۔
حامد میر کے پیغام پر ردِ عمل دیتے ہوئے وفاقی وزیر فواد چوہدری نے کہا کہ تاریخ کی اصلاح کیلئے بتاتا چلوں کہ بھنگی سکھوں کے ایک گروہ کا نام تھا جسے مصل بھی کہا جاتا ہے۔ مہاراجہ رنجیت سنگھ نے جہاں باقی سکھ مصلوں کو شکست دی وہیں بھنگیوں کو بھی دھول چٹائی۔
وزیرِ سائنس و ٹیکنالوجی فواد چوہدری نے کہا کہ لاہور کے فقیر خاندان نے قلعے کے دروازے کھول کر رنجیت سنگھ کو لاہور پر قبضے میں آسانی فراہم کی لیکن یہ نہ بھی کیا جاتا تو اُسے روکنا مشکل تھا۔
تاریخ کی اصلاح کیلئے بھنگی سکھوں کے ایک گروہ یا مصل کا نام تھا، مہاراجہ رنجیت سنگھ نے جہاں باقی سکھ مصلوں کو شکست دی وہیں بھنگیوں کو بھی دھول چٹائ، لاہور کےفقیر خاندان نے قلعے کے دروازے کھول کر مہاراجہ کو لاہور پر قبضے میں آسانی دی لیکن نہ بھی ہوتا تو مہاراجہ کو روکنا مشکل تھا۔ https://t.co/JlUhQobfvR
— Ch Fawad Hussain (@fawadchaudhry) June 18, 2020
یہ بھی پڑھیں: برطانیہ پاکستان کے مجرموں کو ہمارے حوالے کرے۔فواد چوہدری
