گوگل نیوز پر ہمیں فالو کریںڈھاکہ: بنگلہ دیشی بیٹنگ لائن پاکستانی کرکٹ ٹیم کے سامنے لڑکھڑا گئی ہے، کپتان کا ٹاس جیت کر پاکستان کے خلاف بیٹنگ کا فیصلہ غلط ثابت ہوا، 13اوورز کے کھیل کے دوران میزبان ٹیم کے 5 کھلاڑی پویلین لوٹ گئے۔
تفصیلات کے مطابق کپتان بابر اعظم کی قیادت میں قومی ٹیم کے شاہینوں نے بنگلہ دیشی ٹائیگرز کے چھکے چھڑا دئیے۔ اوپنر محمد نعیم اور سیف حسن صرف 1، 1 رن اسکور کرکے آؤٹ ہو گئے اور اس کے بعد وکٹیں گرنے کا سلسلہ شروع ہوگیا۔
نازیبا میسیج اسکینڈل، ٹم پین آسٹریلین کرکٹ ٹیم کی کپتانی سے مستعفی
پہلا ٹی 20 میچ، بنگلہ دیش کا پاکستان کیخلاف ٹاس جیت کر بیٹنگ کا فیصلہ
بنگلہ دیشی بیٹسمین نجم الحسن شانتو کو صرف 7 رنز پر محمد وسیم نے اپنی ہی گیند پر کیچ آؤٹ کردیا۔پے درپے وکٹیں گرنے کے باعث میزبان ٹیم کا مورال ڈاؤن ہوگیا، مجموعی رن ریٹ 4 اور 5 رنز کے درمیان رہا جو قومی ٹیم کیلئے انتہائی آسان ہے۔
عفیف حسین نے کسی قدر بہادری کا مظاہرہ کرتے ہوئے پاکستان کے خلاف 34 گیندوں پر 36 رنز بنائے تاہم شاداب خان کی گیند پر وکٹ کیپر محمد رضوان نے عفیف کو اسٹمپ کی وکٹیں اڑا کر آؤٹ کردیا۔ کپتان محمد اللہ بھی 11گیندوں پر 6رنز بنا کر بولڈ ہوگئے۔
اب تک کی صورتحال کے مطابق بنگلہ دیشی ٹیم نے پاکستان کے خلاف 15 اوورز میں 80 رنز اسکور کیے ہیں اور ان کے 5 کھلاڑی پویلین لوٹ گئے۔ نور الحسن اور مہدی حسن بالترتیب 15 اور 7 کے انفرادی اسکور پر بیٹنگ کرر ہے ہیں۔
