بنگلا دیش کا پاکستان میں ٹیسٹ سیریز کھیلنے سے انکار ، ٹی ٹوئنٹی کیلئے تیار

چٹاگانگ : بنگلا دیش بورڈ نے پاکستان میں ٹیسٹ سیریز کھیلنے سے انکار کردیاہے۔ پاکستان میں ٹیسٹ سیریز نہ کھیلنے کا فیصلہ بنگلا دیشی بورڈ نے اپنے اجلاس میں کیا۔

بنگلادیش کرکٹ بورڈ کے صدر نظم الحسن نے اعلان کیا کہ حکومتی ایڈوائس کے مطابق پاکستان میں صرف ٹی ٹوئنٹی کھیل سکتے ہیں اوربنگلا دیشی ٹیم پاکستان میں صرف مختصر قیام کرسکتی ہے۔

مزید پڑھیں:نئی دہلی اور ممبئی کے بعد ’’فری کشمیر ‘‘کا پوسٹر چنئی میں بھی دیکھا گیا

بنگلادیش بورڈ کے صدر کا کہنا تھا کہ بی سی بی پاکستان کرکٹ بورڈ کو باضابطہ آگاہ کرے گا۔

یاد رہے کہ ‏بنگلا دیش نے شیڈول کے مطابق رواں ماہ ٹی ٹوئنٹی اور ٹیسٹ کے لیے پاکستان کا دورہ کرنا ہے لیکن یہ دورہ غیر یقینی صورتحال سے دوچار ہے۔

بنگلا دیش ٹیسٹ نہ کھیلنے جبکہ پی سی بی پاکستان میں ہی پہلے ٹیسٹ سیریز کھیلنے کے فیصلے پر قائم ہے۔