گوگل نیوز پر ہمیں فالو کریںسلہٹ: ویمن ایشیا کپ میں ٹی 20 میچز کا سلسلہ جاری ہے، بنگلہ دیش نے پاکستان کو جیت کیلئے 71 رنز کا ہدف دے دیا ہے۔ قومی ٹیم نے ٹاس جیت کر میزبان ٹیم کو بیٹنگ کی دعوت دی تھی۔
تفصیلات کے مطابق قومی ٹیم ویمن ایشیا کپ کے پہلے میچ میں فتحیابی کے بعد دوسرے میچ میں بھی جیت کیلئے پر عزم ہے۔ بنگلہ دیش نے پہلے کھیلتے ہوئے مقررہ 20 اوورز میں 8وکٹس کے نقصان پر 70 رنز بنائے۔
قومی ٹیم سہ فریقی سیریز میں شرکت کیلئے کرائسٹ چرچ روانہ
قومی ویمن ٹیم کی تباہ کن بولنگ کے سامنے بنگلہ دیشی بیٹرز ٹک نہ سکیں۔ وکٹ کیپر شمیمہ سلطانہ 1، فرغانہ حق 1 جبکہ کپتان نگار سلطانہ 30 گیندوں پر 17 رنز کی سست اننگز کھیل کر پویلین لوٹ گئیں۔
رومانہ احمد نے 1، لتا منڈل نے 12، سوبھانہ مستری 2، ریتو مونی 4 اور ناہیدہ اختر بھی 4 ہی رنز بنا کر آؤٹ ہوگئیں۔ پاکستانی ٹیم کی ڈائنا بیگ اور ندا ڈار نے 2، 2 بنگلہ دیشی کھلاڑیوں کو پویلین کی راہ دکھائی۔
بنگلہ دیشی ٹیم ابتدا سے ہی مشکلات کا شکار نظر آئی جب ان کی پہلی اور دوسری وکٹ 2 اور تیسری 3 کے مجموعی اسکور پر گر گئی۔ چوتھی وکٹ 27، پانچویں 42، چھٹی 48، ساتویں 58 جبکہ آٹھویں 64 کے اسکور پر گری۔
پاکستان نے بنگلہ دیش کی جانب سے 71 رنز کے ہدف کا تعاقب شروع کردیا ہے۔ خواتین کھلاڑیوں نے 7 اوورز کے کھیل میں بغیر کسی نقصان کے 47 رنز اسکور کر لیے ہیں۔ پاکستان کو جیت کیلئے مزید 24رنز کی ضرورت ہے۔
