گوگل نیوز پر ہمیں فالو کریںفرانسیسی ٹیم کے اہم کھلاڑی میگا ایونٹ سےپہلے انجری کے سبب ایونٹ سے باہر ہوگئے۔
جووینٹس کے مڈفیلڈر پال پوگبا آئندہ ماہ قطر میں شیڈول فیفا ورلڈکپ میں فرانس کی نمائندگی نہیں کرسکیں گے۔
آج صبح پوگبا کی ایجنٹ رافیلہ پیمینٹا کی جانب سے جاری بیان میں کہا گیا کہ ٹورینو اور پٹسبرگ میں کل اور آج کے طبی جائزے کے بعد یہ بتانا انتہائی تکلیف دہ ہے کہ پال پوگبا کو ابھی بھی اپنی سرجری سے صحت یاب ہونے کے لیے وقت درکار ہے۔
فیفا ورلڈ کپ 2022 کا فائنل کن 2 ٹیموں کے درمیان کھیلا جائے گا؟
واضح رہے کہ پال پوگبا جولائی میں گھٹنے کی انجری کا شکار ہوئے تھے اور ابتدائی طور پر فیفا ورلڈ کپ کے لیے فٹ ہونے کے لیے فوری طور پر سرجری نہ کرانے کا فیصلہ کیا تھا۔
دفاعی چیمپئن فرانس کے 29 سالہ کھلاڑی پال پوگبا نے مانچسٹر یونائیٹڈ سے دوبارہ جووینٹس کو جوائن کرنے کے بعد سے اس سیزن میں سیری اے کا ایک بھی میچ نہیں کھیلا ۔
عالمی ایونٹ کا آغاز 21 نومبرسے ہوگا اور فرانس اپنا پہلا میچ 22 نومبر کو آسٹریلیا کے خلاف کھیلے گا۔
