گوگل نیوز پر ہمیں فالو کریںماضی میں کئی درست پیش گوئیاں کرنے والی بلغاریہ کی نابینا خاتون آنجہانی بابا وانگا کی آنے والے نئے سال 2025 کے لیے پیش گوئیاں منظر عام پر آگئیں۔
عالمی خبر رساں ادارے کے مطابق بابا وانگا نے پیشن گوئی کی ہے کہ یورپ کی زوال اور تباہی کا عمل آئندہ برس سے شروع ہو جائے گا اور آبادی نصف رہ جائے گی۔
ماہر نجوم اور نابینا آنکھوں سے مستقبل کو دیکھ لینے والی بابا وانگا نے پیشین گوئی کی کہ کائنات میں ایک ایسا واقعہ رونما ہوگا جس کا کوئی سوچ بھی نہیں سکتا۔ دنیا کے خاتمے کا آغاز بھی 2025 سے ہوگا۔
بابا وانگا نے کہا کہ 2043 تک پورے یورپ پر مسلمانوں کی حکومت قائم ہوجائے گی جبکہ 2076 تک کمیونسٹ حکمرانی عالمی سطح پر واپس آجائے گی۔
ان کی دیگر پیش گوئیوں میں انسان کے 2028 تک زہرہ پر جانے 2170 میں شدید قحط، 3005 میں مریخ پر پہنچنا اور وہاں جنگ ہونا اور 5079 تک کائنات کے خاتمے کا سال ہونا شامل ہے۔
یاد رہے کہ بابا وانگا کی پیشین گوئیوں نے اس شہرت حاصل کی تھی جب امریکا میں نائن الیون حملہ ہوا تھا جس کی پیش گوئی وہ پہلے ہی کر چکی تھیں۔
