بدعنوانی کا الزام، آنگ سان سوچی کو 5سال قید کی سزا سنا دی گئی

میانمار: معزول سیاسی رہنما آنگ سان سوچی کو عدالت نےکرپشن کے الزام میں 5 سال قید کی سزا سنائی ہے۔ تازہ ترین مقدمے میں آنگ سان سوچی پر 6 لاکھ ڈالرز رشوت لینے کا الزام عائد کیا گیا تھا۔ 

تفصیلات  کے مطابق آنگ سان سوچی کو  6 لاکھ ڈالر رشوت لینے کا الزام  میں 5سال قید کی سزا سنائی گئی، آنگ سان سوچی کے خلاف بدعنوانی کےکئی مزید مقدمات بھی زیرِ سماعت ہیں جن میں معمر سیاسی رہنما کو مزید سزا ہوسکتی ہے۔

یہ بھی پڑھیں:

اسرائیل کا دمشق کے نزدیک فضائی حملہ، 9 افراد جاں بحق

بین الاقوامی میڈیا کا کہنا ہے کہ آنگ سان سوچی کے خلاف مقدمات میں آفیشل سیکرٹ ایکٹ کی خلاف ورزی شامل ہے، آنگ سان سوچی کے خلاف مقدمات میں بدعنوانی اور انتخابی دھوکا دہی کو بھی شامل کر لیا گیا۔

حیرت انگیز طور پر اگر آنگ سان سوچی پر تمام الزامات ثابت ہو گئے تو ان کو مجموعی طور پر 100 سال سے زائد قید ہوسکتی ہے۔معلوم رہے کہ آنگ سان سوچی گزشتہ برس فروری میں حکومت سے برطرف کردی گئیں جس کے بعد انہیں فوج کی تحویل میں رکھا گیا ہے۔ 

معمر رہنما   آنگ سان سوچی کو کورونا وائرس سے متعلق قوانین کی خلاف ورزی پر مقامی عدالت نے 4 سال  قیدکی سزا سنائی تھی، بعد ازاں فوج کے سربراہ نے آنگ سان سوچی کو جزوی معافی دیتے ہوئے ان کی 4سال قید کی سزا کم کرکے 2 سال کردی تھی، تاہم مزید مقدمات سامنے آنے کے بعد آنگ سان سوچی کی قید سے آزادی کی امیدیں دم توڑتی محسوس ہوتی ہیں۔