کراچی میں ماوا اسمگل کرنیکی کوشش ناکام، 2 ملزمان گرفتار، 2ہزار پیکٹ برآمد

کراچی: شہرمیں گٹکے اور ماوئے کی تیاری پر سختی کے بعد ماوا حب کے راستے بلوچستان سے تیار ہو کر آنے لگا، موچکو پولیس نے ماوے کی اسمگلنگ ناکام بنا کر 2ہزار پیکٹ ماوا بر آمد کر کے2 ملزمان کوگرفتار، مقدمہ درج کر لیا گیا ۔

حب چوکی کے قریب لکی چورنگی ناکہ پر اے ایس آئی خورشید حسب معمول موبائل اسٹاف کے ہمراہ چیکنگ کر رہے تھے کہ حب چوکی سے کراچی کی جانب آنے والی سوزوکی پک اپ نمبر CN-0169 کو مشکوک جان کر روکا جس کی تلاشی کے دوران گاڑی کی پسنجر سیٹ کے نیچے خفیہ خانوں سے 100 تھیلیاں جس میں 2000 پیکٹ تیار گٹکا ماوا برآمد کیاجسکا وزن 119 کلو گرام ہے۔

سوزوکی میں سوار دو اشخاص محمد اکرم ولد محمد اسلم اور آفتاب حسین ولد الطاف حسین کوگرفتار کیا گیا ہے۔ملزمان حب چوکی سے تیار گٹکا ماوا لا کر لیاری احمد شاہ روڈ پر سپلائی کرتے ہیں۔

مزید پڑھیں:کراچی میں کاروں کی چوری میں ملوث ملزم گرفتار، 2 گاڑیاں برآمد

ملزمان کے خلاف مقدمہ الزام نمبر 336/20 بجرم 8 گٹکا ماوا ایکٹ 2019 تھانہ موچکو میں درج کیا گیا ہے۔

پولیس کے مطابق ملزمان سے تفتیش جاری ہے اور اس گھناونے کاروبار سے جڑے یگر افراد کے خلاف بھی کاروائی کی جائے گی۔