عاطف اسلم کا بھارتی گلوکار ارجیت سنگھ کے ساتھ گانے کی خواہش کا اظہار

موسیقی اور گلوکاری سرحدوں کی پابند نہیں ہوتی ہے۔ پاکستان سمیت سرحد کے دوسری پار بھارت میں بھی اپنی گلوکاری سے لاکھوں مداحوں کے دلوں میں گھر کرنے والے عالمی شہرت یافتہ گلوکار عاطف اسلم نے بھارتی گلوکار ارجیت سنگھ کے ساتھ پاکستان کے قبائلی علاقوں میں پرفارم کرنے کی خواہش اظہار کیا ہے۔

عاطف اسلم جو کہ ان دنوں اپنی نئی آنے والی میوزک ویڈیو ’رفتہ رفتہ‘ کی شوٹنگ کے لیے پاکستان کے شمالی علاقے میں موجود ہیں، اُنہوں نے اپنی اس خواہس کا بھارتی گلوکار ارجیت سنگھ سے بھی اظہار کیا ہے۔

اس ضمن میں سماجی رابطوں کی ویب سائٹ انسٹاگرام پر عاطف اسلم نے ایک ویڈیو شیئر کی ہے جس وہ پاکستان کے شمالی علاقے میں گاڑی میں گھوم رہے ہیں۔

 

View this post on Instagram

 

A post shared by Atif Aslam (@atifaslam)

ویڈیو میں دیکھا جاسکتا ہے کہ عاطف اسلم گاڑی میں بیٹھ کر بالی ووڈ گلوکار ارجیت سنگھ کا مقبول ترین گانا ’ہوائیں‘ سُن رہے ہیں اور ساتھ ہی اپنے موبائل فون سے قدرت کے حسین مناظر کی ویڈیو بھی بنارہے ہیں۔

عاطف اسلم نے اپنی پوسٹ کے کیپشن میں ارجیت سنگھ سے مخاطب ہوتے ہوئے لکھا کہ ’ تصوّر کریں کہ جیسے ہم یہاں اپنے مداحوں کے لیے پرفارم کررہے ہیں۔‘

واضح رہے کہ عاطف اسلم کی بھارت میں بہت بڑی فین فالوونگ ہے جبکہ پاکستان میں اریجیت کے مداحوں کی بہت بڑی تعداد ہے۔ دونوں فنکاروں نے 2017 میں فلم ” سویٹی ویڈ این آئی آر” نے اکٹھے پرفارم کیا تھا۔ اس گیت کو نوجوان پلاش موچل نے کمپوز کیا تھا۔

واضح رہے کہ گزشتہ روز سے سوشل میڈیا پر یہ خبر زیرِ گردش ہے کہ سجل علی بہت جلد عاطف اسلم کی نئی میوزک ویڈیو میں اپنی اداکاری کے جوہر دِکھائیں گی۔ بتایا جارہا ہے کہ عاطف اسلم کے اس نئے گانے کا عنوان ’رفتہ رفتہ‘ ہے جبکہ یہ گانا پاکستان کے شمالی علاقے اسکردو میں شوٹ کیا جارہا ہے۔