گوگل نیوز پر ہمیں فالو کریںاسلام آباد: سپریم کورٹ کے الیکشن سے متعلق فیصلے پر سابق صدر آصف زرداری نے اہم مشاورتی اجلاس طلب کرلیا۔
ذرائع کے مطابق پیپلز پارٹی کا مشاورتی اجلاس آج شام چار بجے زرداری ہاؤس میں ہوگا، سابق صدر آصف زرداری نے پارٹی کے سینئر رہنماوں کو بلایا ہے۔
وزیرِ خزانہ اسحاق ڈار نے دورہ امریکا منسوخ کردیا
پیپلزپارٹی کے سیکرٹری جنرل نیئر بخاری، فرحت اللہ بابر، شیری رحمان، قمرالزمان کائرہ اور ساجد طوری سمیت دیگر رہنماء بھی اجلاس میں شریک ہوں گے۔
اجلاس میں اسپیکر قومی اسمبلی راجہ پرویز اشرف کی شرکت کا بھی امکان ہے، اجلاس میں پنجاب کے انتخابات سے متعلق اہم مشاورت بھی ہوگی۔
دوسری جانب مفتاح اسماعیل نے موجودہ حکومت کو مشورہ دیتے ہوئے کہا کہ انتخابات سے متعلق سپریم کورٹ کا فیصلہ آگیا ہے تو اب حکومت کو اس پر عمل کرنا چاہیے۔ فل کورٹ بنتا تو میرا خیال ہے کوئی جج نوے دن کی حد سے باہر نہیں جاتا۔ سیاسی رہنماؤں کو تماشہ بند کرکے اب آپس میں بیٹھنا چاہیے۔
انہوں نے کہا کہ آئی ایم ایف کو ہم پر اعتماد نہیں تھا، اس لئے انہوں نے فوری قسط واپس نہیں کی۔ آئی ایم ایف بھی جانتا ہے کہ پاکستان کو پیسے دینا انتہائی ضروری ہے۔ آئی ایم ایف ڈالر نہیں دے گا تو انہیں بھی پتا ہے کہ پاکستان ڈیفالٹ کی طرف جائے گا۔
