گوگل نیوز پر ہمیں فالو کریںلاہور: پی ٹی آئی رہنما و سابق وفاقی وزیر اسد عمر نے کہا ہے کہ توشہ خانہ سے رولیکس، مرسیڈیز اور انناس تک لے جانے والے لوگ عمران خان کو گرفتار کرنے کی خواہش رکھتے ہیں۔
تفصیلات کے مطابق اپنے ایک بیان میں پی ٹی آئی رہنما اسد عمر نے کہا کہ لاہور میں عمران خان کی ممکنہ گرفتاری پر صدرِ مملکت سے بات چیت کی ہے۔ تاہم صدر کو مداخلت کا نہیں کہا۔ انہوں نے جو سمجھانا چاہا، سمجھا دیا ہے۔
عمران خان سرینڈر کریں، گرفتاری روکنے کا فیصلہ
بیان میں اسد عمر نے ن لیگ پر تنقید کرتے ہوئے کہا کہ حکمراں جماعت کے لوگ توشہ خانہ سے انناس تک لے گئے۔ ملک بنانا نہیں پائن ایپل ری پبلک بن چکا ہے۔ سپریم کورٹ کو صدرِ مملکت کی آڈیو لیکس کا نوٹس لینا ہوگا۔
اسد عمر کا چیئرمین پی ٹی آئی کی گرفتاری کے متعلق کہنا تھا کہ سیاسی گرفتاری سے مقبولیت ملتی ہے، یہ حقیقت اپنی جگہ لیکن عمران خان پہلے ہی مشہور ہیں، انہیں گرفتار ہو کر مزید مشہور ہونے کی کیا ضرورت ہے؟
دوسری جانب گزشتہ 3 روز سے پولیس چیئرمین پی ٹی آئی و سابق وزیر اعظم عمران خان کو گرفتار کرنے کی کوششوں میں ناکام ہے۔ زمان پارک کا علاقہ میدانِ جنگ بن گیا۔ پی ٹی آئی کارکنان کی جانب سے سخت مزاحمت جاری ہے۔
