گوگل نیوز پر ہمیں فالو کریںاسلام آباد: وفاقی وزیر برائے منصوبہ بندی اسد عمر نے وزیرِ اعظم عمران خان کے احساس کیش پروگرام کو بے مثال قرار دیتے ہوئے کہا ہے کہ پروگرام کے تحت ملک کے ہر دوسرے خاندان کی مدد کی گئی۔
سماجی رابطے کی ویب سائٹ ٹوئٹر پر اپنے پیغام میں وزیرِ منصوبہ بندی اسد عمر نے کہا کہ احساس کیش پروگرام کے تحت گزشتہ 4 ماہ کے دوران 194 ارب روپے تقسیم ہوئے۔
وفاقی وزیر اسد عمر نے کہا کہ پروگرام کے تحت ملک کے 1 کروڑ 69 لاکھ خاندانوں میں رقم شفاف نظام کے تحت تقسیم کی گئی، یعنی پاکستان کے ہر دوسرے خاندان کی مالی مدد ہوئی جس کی ملکی تاریخ میں کوئی مثال نہیں ملتی۔
احساس کیش پروگرام کے تحت پچھلے 4 ماہ میں ا کروڑ 69 لاکھ خاندانوں میں 194 ارب روپے ایک شفاف نظام کے تحت تقسیم کئے گئے. یعنی پاکستان کے ہر دوسرے خاندان کی مالی مدد کی گئی. ہماری تاریخ میں اس جیسی کوئی مثال نہیں ملتی
— Asad Umar (@Asad_Umar) July 22, 2020
یاد رہے کہ اس سے قبل وزیرِ اعظم کی معاونِ خصوصی برائے سماجی تحفظ ڈاکٹر ثانیہ نشتر نے کہا کہ وزیرِ اعظم کے احساس ایمرجنسی کیش پروگرام کی رقم میں اضافہ کرکے 203 ارب کردیا گیا۔
احساس پروگرام کی سربراہ ڈاکٹر ثانیہ نشتر اور وفاقی وزیرِ اطلاعات شبلی فراز نے6 روز قبل اسلام آباد میں مشترکہ پریس کانفرنس کی۔ وزیرِ اطلاعات نے کہا کہ کورونا وائرس سے عالمی و پاکستانی معیشت دونوں متاثر ہوئے۔
مزید پڑھیں: کیش پروگرام کی رقم 203 ارب کر دی گئی۔ڈاکٹر ثانیہ نشتر
