گوگل نیوز پر ہمیں فالو کریںاسلام آباد: وفاقی وزیر برائے منصوبہ بندی و ترقی اسد عمر نے ترقیاتی بجٹ کے بہتر استعمال پر مسرت کا اظہار کرتے ہوئے کہا ہے کہ ترقی کی رفتار میں تیزی آ رہی ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر اسد عمر نے کہا کہ گزشتہ 6 سال میں مالی سال کے پہلے 8 ماہ میں سالانہ ترقیاتی بجٹ کا سب سے زیادہ استعمال اِس سال میں ہوا ہے۔
وفاقی وزیر منصوبہ بندی و ترقی نے کہا کہ سال کے پہلے 5 ماہ میں 87 ارب جبکہ گزشتہ صرف 3 ماہ میں 185 ارب کے ترقیاتی اخراجات کیے گئے۔ ترقی کی رفتار میں اللہ کے فضل سے تیزی آرہی ہے۔
پچھلے 6 سال میں مالی سال کے پہلے 8 ماہ میں سالانہ ترقیاتی بجٹ کا سب سے زیادہ استعمال اس سال میں ہوا ہے. سال کے پہلے 5 ماہ میں 87 ارب اور پچھلے صرف 3 ماہ میں 185 ارب کے ترقیاتی اخراجات. ترقی کی رفتار میں اللہ کے فضل سے تیزی آ رہی ہے. pic.twitter.com/loiNy2fjUp
— Asad Umar (@Asad_Umar) March 4, 2020
یاد رہے کہ اس سے قبل پاکستان تحریکِ انصاف کے سینئر رہنما و وفاقی وزیر برائے منصوبہ بندی و ترقی اسد عمر نے اپنے حلقۂ انتخاب میں نوجوانوں کے لیے تعلیمی منصوبوں کے آغاز کا اعلان کردیا۔
ٹوئٹر پرگزشتہ ماہ اپنے پیغام میں اسد عمر نے بتایا کہ ہم نے جی 15 میں اسلام آباد ماڈل کالج کا سنگِ بنیاد رکھ دیا ہے۔ کالج پر 34 کروڑ روپے لاگت آئے گی۔
مزید پڑھیں: اسد عمر کا نوجوانوں کیلئے تعلیمی منصوبے شروع کرنے کا اعلان
