گوگل نیوز پر ہمیں فالو کریںراولپنڈی: آرمی چیف جنرل قمر جاوید باجوہ نے بحرین کا دورہ کیا، دورے کے دوران آرمی چیف نے بحرین کے فیلڈ مارشل محمد بن عیسیٰ آل خلیفہ اور سیکیورٹی ایڈوائزر سے ملاقاتیں کیں۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف اور بحرین کے کمانڈر، سیکیورٹی ایڈوائزر سے ہونے والی ملاقات میں ڈی جی آئی ایس آئی لیفٹیننٹ جنرل فیض حمید بھی موجود تھے۔
ترجمان پاک فوج کے مطابق ملاقات میں باہمی دلچسپی اور سیکیورٹی صورت حال پر بات چیت کی گئی۔
آئی ایس پی آر کا کہنا ہے کہ ملاقات میں افغان صورت حال کے حوالے سے کثیر الملکی وفود کی سطح پر مذاکرات ہوئے، مذاکرات میں برطانوی چیف آف ڈیفنس، برطانوی ہائی کمشنر بھی موجود تھے۔
ملاقات میں افغان نیشنل سیکیورٹی ایڈوائزر، افغان نیشنل آرمی کے سربراہ، ڈائریکٹر این ڈی ایس بھی موجود تھے۔
یہ بھی پڑھیں : آرمی چیف سے پشاورزلمی کے جاوید آفریدی، ڈیرن سیمی اور ہاشم آملہ کی ملاقات
